پشکنینا خوونێ بۆ ئاشکراکرنا کولبوونا گەهان

پشکنینا خوونێ  بۆ ئاشکراکرنا کولبوونا گەهان

وار – دهۆک :

نەخوەشییا کولبوونا گەھان (التهاب المفاصل) ئێکە ژ نەخوەشیێن گەلەک بەربەلاڤ دناڤ خەلکی دا رێژەیەکا گەلەک مەزن ژ خەلکێ جیهانێ ژی د ناڵیت و ھەتا نوکە ژی یا مای بێ چارەسەری، لێ نوکە زانایان رێیەکا نوو داهێنا بۆ ئاشکراکرنا هنگافتنا مرۆڤی بکولبوونا گەھان١٠ سالان بەری هنگافتنا مرۆڤی ب وێ نەخوەشییێ.
ئەڤ ئاشکراکرنە ژی دبیتە پێنگاڤەکا مەزن د بیاڤێ دەستنیشانکرنا کولبوونا گەھان یا دۆمدرێژ و دژوار.
ئەڤ زانایێن گەهشتینە ڤێ رێیا هێسان و کێم بها ژ زانینگەها “ورک” یا بریتانی نە، کو ئەو دکارن ب رێیا ناڤبری ژی بزانن سەدەما هنگافتنا کەسەکی ب کولبوونا گەھان، د بەری دەمیدا ب ١٠ سالان ژ هنگافتنێ.
ژ بۆ یا پێدڤی ژی بۆ ڤی کاری بتنێ نۆشداری پێدڤی ب دلۆپەکا خوونا وی کەسێ دڤێت پشکنینێ بخوە بکەت، ئەگەر د ئەنجامێ پشکنینا خوونا وی دا دیار بوو کو ئەو دێ هێتە هنگافتن ب کولبوونا گەھان، ئەو نۆشدار دێ هندەک شیرەتان دەتە وی کەسی کو سەنگا لەشێ خوە کێم بکەت ژ بۆ گیرۆکرنا نەخوەشییا ناڤبری.
هەژی گۆتنێیە بێژین کو نوکە ئەڤ نەخوەشییە ناهێتە چارەسەرکرن، لەوما ھەتا نوکە ئەو بەربەلاڤترین نەخوەشییە ل سەرانسەری جیهانێ و ئەگەرێ وێ ژی ژێخوارنا کرکرکێیە ئەوا هاریکارییا گەھان دکەت بۆ هەلگرتنا بارێن گرانییا دروست دبیت ژ ئەگەرێ لڤینێ.
ھەتا نوکە چ پشکنینێن خوونێ نینن بۆ دەستنیشانکرنا هنگافتنێ ب نەخوەشییا ناڤبری، لەوما ھەتا نوکە و ھەتا ئەڤ نەخوەشییە نەگەهیتە قۆناغێن پێشکەفتی نکارن دەستنیشان بکەن و لڤێ قۆناغێ ژی تاکە رێیا چارەسەرییێ دمینیت نشتەرگەرییا گوھۆرینا کرکرکێ بۆ وان کەسان.
ئەو پشکنینا زانایان داهێنای ژی نیشانەکێ ددەتە نۆشداران کو رێژەیا ئاستێ دو پێکهێنەران زێدە دکەت دناڤ خوونێدا و ئەو ژی ئاماژێ ب هنگافتنا مرۆڤی ب کولبوونا گەھان د دەت.
ژ ماڵپەڕێ
Arabic RT

بابه‌تێن ب ڤێ مژارێ ڤه‌ گرێدای