پشكا هه‌رێما كوردستانێ د پرۆژه‌یاسایا بودجه‌یێ دا ب 12.67% هاتیه‌ دانان

پشكا هه‌رێما كوردستانێ د پرۆژه‌یاسایا بودجه‌یێ دا ب 12.67% هاتیه‌ دانان

WAAR-دهۆك:

پشكا هه‌رێما كوردستانێ د پرۆژه‌یاسایا بودجه‌یا ئیراقێ بۆ سالا 2019ێ ب دوزاده‌ پوینت شێست و حه‌فت ژ سه‌دێ هاتییه‌ دانان و په‌رله‌مانتاره‌كێ ئیراقێ ژی گۆت: پرۆژه‌یاسا سیاسیه‌.
لگۆره‌ی پرۆژه‌ یاسایێ پێشنیاركری یێ سالا 2019ێ یا ئیراقێ داهات ب سه‌د و پێنج ترلیۆن دیناران هاتیه‌ خه‌ملاندن و خه‌رجی ژی ب سه‌د و بیست و هه‌شت ترلیۆنان كو ب ڤی ئاوای بیست و دو ترلیۆن كۆرتهێنان د بودجه‌یێ دا هه‌نه‌.
سه‌باره‌ت پشكا هه‌رێمێ ژی د پرۆژه‌ یاسایێ پێشنیاركری یێ بودجه‌یێ دا، پشكا هه‌رێما كوردستانێ ب دوزاده‌ پوینت شێست و حه‌فت ژ سه‌دێ هاتییه‌ خه‌ملاندن كو دگه‌هیته‌ هه‌شت ترلیۆن دیناران.
ژ ئالیێ خوه‌ڤه‌ مه‌سعوود حه‌یده‌ر ئه‌ندامێ خولا سیێ یا په‌رله‌مانێ ئیراقێ ئاشكه‌را كر: پرۆژه‌ یاسایێ بودجه‌یا سالا 2019ێ بنپێكاریێن ده‌ستووری و یاسایی تێدا هه‌نه‌ و حكومه‌تا كاربرێكار چه‌ند به‌ربه‌ستێن سیاسی تێدا داناینه،‌ داكو كێشه‌ییێن سیاسی د ناڤبه‌را هه‌ولێرێ و به‌غدا دا چێببن زێده‌باری كو خه‌رجیێن سیاسی ب هه‌ڤبه‌ركرن دگه‌ل سالا بۆری زێده‌ترن و چ پشكا هه‌رێمێ تێدا نینن.
مه‌سعوود حه‌یده‌ر كو پێشتر ئه‌ندامێ لژنه‌یا دارایی یا په‌رله‌مانێ ئیراقێ بوو، راگه‌هاند ژی: پێدڤییه‌ په‌رله‌مان پرۆژه‌یاسایی بۆ حكومه‌تێ ڤه‌گه‌رینیت و كابینه‌یا عادل عه‌بدولمه‌هدی ل سه‌ر بنه‌مایێ به‌رنامه‌یێ حكوومه‌تا نوو پرۆژه‌ یاسایی به‌رهه‌ڤ بكه‌ت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.