پشتی 45 سالان مه‌زنترین ره‌خنه‌ ل فلمه‌فه‌ستیڤالا به‌رلینێ دهێن كرن

پشتی 45 سالان مه‌زنترین ره‌خنه‌ ل فلمه‌فه‌ستیڤالا به‌رلینێ دهێن كرن

WAAR-دهۆك:

بۆ ئێكه‌م جار، پشتی 45 سالان، مه‌زنترین ره‌خنه‌ ل فلمه‌فه‌ستیڤالا به‌رلینێ دهێن گرتن و ئه‌و ره‌خنه‌ ب ئاوایه‌كی هاتینه‌ كو به‌رلینال ئێدی بوویه‌ فه‌ستیڤاله‌كا ئه‌ورۆپی و جیهانیبوونا خوه‌ ژده‌ست دایه‌.
هه‌رمان محه‌مه‌د تاهر، هنارتیێ وار بۆ به‌رلینێ دیار كر؛ مه‌دیایا جیهانی، ئه‌مریكی و ئه‌ره‌بی مه‌زنترین ره‌خنه‌ ل گه‌را 69ێ یا فلمه‌فه‌ستیڤالا به‌رلینێ گرتن، ژ به‌ر كو ئێكه‌م جاره فلمێن ئه‌مریكی و ئه‌ره‌بی د هه‌ڤركییا بده‌ستخستنا خه‌لاتان دا نینن.
دیار ژی كر؛ ئه‌ڤه‌ ئێكه‌م جاره‌ پشتی ده‌ربازبوونا 45 سالان، فلمه‌فه‌ستیڤالا به‌رلینێ راستی وێ ره‌خنه‌یێ دهێت و مه‌دیایا جیهانی به‌رلینال ب فه‌ستیڤاله‌كا ئه‌ورۆپی بناڤ كرییه‌ و دایه‌ زانین ژی؛ وێ جیهانیبوونا خوه‌ ژده‌ست دایه.
هنارتییێ وار ئاماژه‌ ژی كر؛ د خولا 69ێ دا، فلمێن ئه‌ورۆپی و ئه‌ورۆپیێن هه‌ڤپشك و هه‌ژماره‌كا فلمێن جودا پشكدارن و د هه‌ڤركییا خه‌لاتان دانه‌، تنێ فلمێن ئه‌مریكی و ئه‌ره‌بی د هه‌ڤركییان دا نینن.
فلمه‌فه‌ستیڤالا به‌رلینێ پشتی 20 سالێن ته‌مه‌نێ خوه‌ ناسناڤه‌كێ جیهانی وه‌رگرت و گرنگییه‌كا زێده‌ پێ هات دان، ئه‌ڤ ساله‌ ژی پشتی بۆرینا 45 سالان ژ جیهانیبوونا وێ، ئێكه‌م جاره‌ ره‌خنه‌ لێ دهێن گرتن.

بابه‌تێن ب ڤێ مژارێ ڤه‌ گرێدای