پسپۆره‌كێ ئابۆری: داهاتێ سالانه‌ یێ داعشی ژ گه‌نمی نێزیكی 200 ملیۆن دۆلارانه‌

پسپۆره‌كێ ئابۆری: داهاتێ سالانه‌ یێ داعشی ژ گه‌نمی نێزیكی 200 ملیۆن دۆلارانه‌

وار – دهۆک :

پسپۆره‌كێ ئابۆری ل په‌یمانگه‌ها په‌یوه‌ندییێن نێڤده‌وله‌تی و ستراتیژی ل فره‌نسا گۆت: داهاتێ سالانه‌ یێ داعشێ ژ فرۆتنا گه‌نمی نێزیكی 200 ملیۆن دۆلارانه‌.
ژان شارل بریزار، پسپۆرێ ئابۆری ل په‌یمانگه‌ها په‌یوه‌ندییێن نێڤده‌وله‌تی و ستراتیژی ل فره‌نسا بۆ ئاژانسا نووچه‌یین فرانس پرێس راگه‌هاند‌؛ داعشێ ل هه‌ردو پارێزگه‌هێن نه‌ینه‌وا سه‌لاحه‌ددین ل ئیراقێ، پتری ملیۆن ته‌نێن گه‌نمی ئێخستینه‌ بن ده‌ستێ خوه‌ و ئه‌ڤ رێژه‌یه‌ ئێك ل سه‌ر پێنج یا گه‌نمێ بكارهاتی یێ ئیراقێ یه‌ د ساله‌كێ دا.
دیار كر ژی؛ داعشێ ل ده‌ڤه‌رێن ره‌قه‌ و دێرزور ل سوورییێ 30% یا گه‌نمێ وان ده‌ڤه‌ران ئێخستییه‌ بن ده‌ستهه‌لاتا خوه‌.
هه‌روه‌سا وی پسپۆرێ فره‌نسی دا زانین ژی؛ داهاتێ سالانه‌ یێ وێ گرۆپا تیرۆرستی ژ گه‌نمێ تنێ نێزیكی 200 ملیۆن دۆلارانه‌، هه‌روه‌سا داعشێ ده‌ست ب سه‌ر 75 % یا به‌رهه‌مێ په‌مبی یێ سوورییێ گرتییه‌.

بابه‌تێن ب ڤێ مژارێ ڤه‌ گرێدای