پرۆژەبریارەکا نوو ل دژی تورکیا پێشکێشی کۆنگرێسێ ئەمریکا ھات کرن

پرۆژەبریارەکا نوو ل دژی تورکیا پێشکێشی کۆنگرێسێ ئەمریکا ھات کرن

WAAR-دهۆك:

نوونەرێن ئەمریکا پرۆژەبریارەکا نوو یا دوورخستنا تورکیا ژ کڕینا فرۆکەیێن ئێف سیھـ و پێنج و سەپاندنا سزایان ل سەر، پێشکێشی جڤاتا نوونەرێن ئەمریکا کر.
دوھـ دو نوونەرێن دیمۆکراتی و کۆماری یێن جڤاتا نوونەرێن ئەمریکا پرۆژەبریارەکا نوو ل دۆر نیەتا کڕینا سیستەما بەرگرییا ئاسمانی یا رۆسی، ئێس چارسەدێ ژ ئالییی تورکیا ڤە، پێشکێشی جڤاتا نوونەران کر و د بەیانەکێ دا دیار کر؛ تورکیا ھەڤکاری و ھەماھەنگییێ گەل رۆسیا و ئیرانێ دا دکەت و سیستەما ئێس چارسەد یا رۆسی یا بەرگرییێ کو تورکیا دخوازیت بکڕیت، ئێمناھییا ئەمریکا و ھەڤپەیمانێن وێ یێن ھەڤپەیمانییا باکۆرێ ئەتلەسی، ناتۆیێ دئێخیت ژێر گەفێ و ئەڤە د گەل نییەتا تورکیا یا کڕینا فرۆکەیێن ئێف سیھـ و پێنج یێن ئەمریکی ناگونجیت و نابیت تورکیا پشکداری بەرھەمئینانا وێ ژی ببیت.
پرۆژەبریارا نوو داخواز ژی کر ژ بەر وان سیاسەتێن تورکیا، تورکیا ب تەمامی ژ کڕین و بەرھەمئینانا فرۆکەیێن ئێف شازدە بھێت دوورخستن و گەر ل سەر کرینا ئێس چارسەدێ رژد بوو، ل گۆری یاسایا بەرھنگاربوونا دژمنێن ئەمریکا ب رێیا سزایان (کاتسا)یێ، سزا ل سەر بھێن سەپاندن.

بابه‌تێن ب ڤێ مژارێ ڤه‌ گرێدای