پایسكلڤانێن ئامێدیێ مانا خۆ د ناڤ رێزێن هه‌لبژارتیێ ئیراقێ دا دوپاتكر

پایسكلڤانێن ئامێدیێ مانا خۆ د ناڤ رێزێن هه‌لبژارتیێ ئیراقێ دا دوپاتكر

وار – دهۆک :

هه‌ردو پایسكلڤانێن یانه‌یا ئامێدیێ یوونس سه‌بار و دۆمان ره‌جب مانا خۆ دناڤ رێزێن هه‌لبژارتیێ ئیراقێ لسه‌ر ئاستێ لاوان دوپاتكر، بۆ هه‌لكه‌ڤت و قاره‌مانیێن داهاتى، پشتى د گه‌را دووێ یا تاقیكرنێن هه‌لبژارتیێ ئیراقێ دا رێزێن ئێكێ و دووێ بده‌ستخۆڤه‌ ئیناین.
د هه‌ڤڕكیێن تاقیكرنێن هه‌لبژارتیێ ئیراقێ دا بۆ یاریكه‌رێن پارێزگه‌هێن باكوورێ ئیراقێ كو تێدا تنێ یاریكه‌رێن هه‌رسێ یانه‌یێن ئامێدیێ و هه‌ولێر و سۆلاڤ پشكدارى تێدا كربوو، هه‌ردو یانه‌یێن ئامێدیێ و سۆلاڤ ب دو یاریكه‌ران پشكدارى تێدا كربوو و هه‌ولێرێ ب چار یاریكه‌ران و لدوماهیێ هه‌ردو یاریكه‌رێن ئامێدیێ یوونس سه‌بار لرێزا ئێكێ هات و هه‌ڤالێ وى دۆمان ره‌جه‌ب ژ هه‌مان یانه‌ لرێزا دووێ هات و زانا رۆسته‌م ژ هه‌ولێرێ بۆ خۆدانێ رێزا سێیێ و ره‌وان شێركۆ ژ سۆلاڤ لرێزا چارێ هات و هه‌رسێ یاریكه‌رێن رێزا ئێكێ گه‌هشتنه‌ دناڤ رێزێن هه‌لبژارتیێ ئیراقێ دا، ژلایه‌كێ دویڤه‌ سێ یاریكه‌ر ژ یانه‌یێن باشوور و ناڤه‌راستا ئیراقێ دێ هێنه‌ ژێگرتن بۆ پێكهاتێ ئیراقێ كو دێ هه‌ژمار وان بنه‌ شه‌ش یاریكه‌ر و دێ كه‌ڤنه‌ د كه‌مپێن راهێنانێ دا ب مه‌ره‌ما پشكداریێ د قاره‌مانییا وه‌لاتێن ئه‌ره‌بى دا ئه‌وا بڕیاره‌ ل 22ێ مه‌ها چریا ئێكێ ل وه‌لاتێ مسرێ دهێته‌ ئه‌نجامدان.
تێزانین هه‌ڤركیێن ڤێ قاره‌مانیێ بۆ ماوه‌یێ دو رۆژان ل هه‌ولێرێ دهاتنه‌ برێڤه‌برن و رۆژا ئێكێ ب درێژاهییا60 كلم به‌ریكانه‌ دناڤبه‌را پشكداراندا هاته‌ كرن و د رۆژا دووێ دا 30كلم دژى ده‌مژمێرێ هاته‌ كرن.

بابه‌تێن ب ڤێ مژارێ ڤه‌ گرێدای