پاپایێ ڤاتیكانێ داخوازا راگرتنا هێرشێن سه‌ر رۆژئاڤایێ كوردستانێ دكه‌ت

پاپایێ ڤاتیكانێ داخوازا راگرتنا هێرشێن سه‌ر رۆژئاڤایێ كوردستانێ دكه‌ت

WAAR-دهۆك:

پاپایێ ڤاتیكانێ داخوازا راگرتنا هێرشێن سه‌ر رۆژئاڤایێ كوردستانێ كر و بالیۆزێ ڤاتیكانێ ژى ل سووریێ، هێرشا توركیا ب كاره‌ساته‌كا مه‌زن یا مرۆڤى ناڤ كر.
پاپا فرانسیس، پاپایێ ڤاتیكانێ هه‌لوه‌ستێ خوه ‌ل دۆر هێرشا توركیا یا ل سه‌ر رۆژئاڤایێ كوردستانێ راگه‌هاند و دیار كر، ژبه‌ر هێرشا توركیا و ئاواره‌بوونا خه‌لكى، كو رێژه‌یه‌كا مه‌زن یا كرستیانان ژى ئاواره‌بووینه‌، كاره‌ساته‌كا مرۆڤى یا مه‌زن چێبوویه‌ و پێدڤییه‌ توركیا زوو هێرشا خوه‌ رابگریت.
پاپا فرانسیسى راگه‌هاند ژى: ل نێزیك ئه‌و دێ سه‌ره‌دانا رۆژهه‌لاتا ناڤین و سووریێ ژى كه‌ت و داخواز ژ جڤاتا نێڤده‌وله‌تى و ئالیێن په‌یوه‌ندیدار كه‌ت، كار بۆ دیتنا چاره‌یه‌كێ بۆ ره‌وشا سووریێ بكه‌ن.
هه‌ڤده‌م ماریۆ زینارى، بالیۆزێ ڤاتیكانێ ل سووریێ هێرشا توركیا ب كاره‌ساته‌كا مه‌زن یا مرۆڤى ناڤ كر و گۆت: ئه‌وا ل سووریێ روودده‌ت، مه‌زنترین كاره‌ساتا مرۆڤى یه ‌پشتى جه‌نگا جیهانى یا دویێ.

بابه‌تێن ب ڤێ مژارێ ڤه‌ گرێدای