پاسداران پێگەھەکێ پێشمەرگەیێن رۆژھەلاتێ کوردستانێ تۆپباران کر

پاسداران پێگەھەکێ پێشمەرگەیێن رۆژھەلاتێ کوردستانێ تۆپباران کر

WAAR-دهۆك:

سوپایێ پاسدارێن ئیرانێ گرۆپەکێ پێشمەرگەیێن رۆژھەلاتێ کوردستانێ ل سەر سنۆرێن ھەرێمێ تۆپباران کر.
سوپایێ پاسداران د بەیانەکێ دا راگەھاند؛ تۆپخانەیا وان ئەڤرۆ گرۆپەکێ پێشمەرگەیێن رۆژھەلاتێ کوردستانێ کرییە ئارمانج، وەکو بەرسڤەک بۆ کوشتنا 3 کارمەندێن وان بەری 2 رۆژان ل باژارێ پیرانشارێ.
سوپایێ پاسداران ئاشکرا ژی کر، د وێ تۆپبارانێ دا ھەژمارەکا چەکداران ھاتینە کوشتن بێ ناڤێ وان بینیت کا ب سەر چو ئالییەکی ڤەنە.
بەری 2 رۆژان گرۆپەکێ پێشمەرگەیێن حزبا دیمۆکراتا کوردستانێ حدکایێ، ھێرش کر بوو سەر ترومبێلەکا سوپایێ پاسداران ل باژارێ پیرانشارێ ل رۆژھەلاتێ کوردستانێ و 3 کارمەندێن وان کوشت بوون، ئێک ژ وان ئەفەسەرەکێ ب پلەیا عەقید بوو.

بابه‌تێن ب ڤێ مژارێ ڤه‌ گرێدای