پارێزگەرێ نەینەوا رەتکر ب بریارا کارلادانێ رازی ببیت

پارێزگەرێ نەینەوا رەتکر ب بریارا کارلادانێ رازی ببیت

WAAR-دهۆك:

پارێزگەرێ نەینەوا رەتکر دەست ژکارکێشابیت و ھەڤدەم رەتکر ژی کار ب بریارا ژکارلادانێ بکەت و راگەھاند: بریارا جڤاتا پارێزگەھێ چ بنەمایێن قانوونی نینن.
مەدیاییێن ئیراقێ ژ زارێ مەنسوور مەرعید پارێزگەرێ نەینەوا بەلاڤکر: ئەو بریارێن جڤاتا پارێزگەھێ دەرخستین نەقانوونینە، ژ بەرکو ل دوماھی مەھا بۆری پەرلەمانێ ئیراقێ جڤاتێن پارێزگەھان ھەلوەشاندنینە و ئەوێ جڤاتێ ژ روویێ شەرعی ڤە چ بنەمایێن قانوونی نینن.
دیار ژی کر: ئەوی داخوازا دەست ژکارکێشانێ نەکرییە و ئەو نڤیسارا ب ناڤێ وی ھاتیە بەلاڤکرن چ راستی بوو نینن.
ئەڤرۆ جڤاتا پارێزگەھا نەینەوا کۆمببوو و د کۆمبوونێ دا دانوستاندن لدۆر داخواز دەستژکارکێشانا مەنسوور مەرعیدێ پارێزگەرێ نەینەوا کربوو و ب کۆما دەنگان بریارا دەستژکارکێشانا وی پەسەند کربوو و ل جھێ وی سیروان رۆژبەیانی جێگرێ ئیکێ یێ پارێزگەرێ ب وەکالەت دەستنیشانکربوو.

بابه‌تێن ب ڤێ مژارێ ڤه‌ گرێدای