پاریس سانجێرمان دێ نه‌یمارى ب برینا پاداشتێ ره‌وشتى سزاده‌ت

پاریس سانجێرمان دێ نه‌یمارى ب برینا پاداشتێ ره‌وشتى سزاده‌ت

WAAR-دهۆك:

رێڤەبەرێ سپورێ ل یانەیا پاریس سانجێرمان یا فرەنسی لیوناردوی دیارکر، ئەو دێ ھێرشبەرێ تیمێ نەیمار داسێلڤای ژبەر نەبەرھەڤبوونێ ل راھێنانان سزادان . لیوناردوی بۆ رۆژنامەیا مارکا یا ئسپانی دیارکر، نەیمار دێ پاداشتێ ڤێ مەھێ یێ گرێدای رەوشتی ژ دەستدەت، کو یانەیا پاریسی مەھانە ٣٧٥ ھزار یورۆیان وەکو پاداشتێ نەکرنا خەلەتییان ددەتە ستێرا سامبایێ، لێ ژبەرکو یاریکەر لدەم و جھێن دەستنیشانکری ل راھێنانێن تیمێ بەرھەڤ نەبوویە، لڤێ مەھێ پاداشتێ خۆ وەرناگریت، و ئەڤ پێنگاڤە دێ پتر ئالوزییان ئێخیتە دناڤبەرا پەیوەندیێن نەیماری و کارگێرییا پاریس سانجێرمانێ دا.

ھەر لدوور نەیمار داسێلڤای. رۆژنامەیا ئاس یا ئسپانی دووپاتکر کو یاریکەر ژ پلانێن یانەیا ریال مەدرید دەرکەڤتییە، و یانەیا شاھانە ھزر د گرێدانا ھەڤبەستا ویدا ناکەت . رۆژنامەیێ ئاشکراکر بۆ ماوەیەکێ درێژە نەیمار ژ پلانێن ریال مەدریدێ دەرکەڤتی، و سەرباری کو یانەیا پاریسی رازیبوونا خۆ بۆ دانوستاندنان لسەر گرێدانا ھەڤبەستا وی دیارکرییە، لێ ریال مەدرید نە ژ نێزیک و نە ژ دوور ھزرا بدەستڤەبرنا شیانێن وی ناکەت، و فوکسا یانەیا پایتەختێ ئسپانیا بتنێ لسەر گەوھەرا فرەنسی کیلیان مباپی یە.

بابه‌تێن ب ڤێ مژارێ ڤه‌ گرێدای