پاریس سانجێرمانێ بۆ جارا حه‌فتێ ناسناڤێ خۆلا فره‌نسا بده‌ستڤه‌بر

پاریس سانجێرمانێ بۆ جارا حه‌فتێ ناسناڤێ خۆلا فره‌نسا بده‌ستڤه‌بر

WAAR-دهۆك:

بۆ جارا حه‌فتێ‌ د دیرۆكا خۆ دا یانه‌یا پاریس سانجێرمان بناسناڤێ‌ خۆلا فره‌نسا هاته‌ خه‌لاتكرن، پشتی لیاریگه‌ها خۆ پارك دی پرێنس سه‌ركه‌ڤتنه‌كا ئێكجار مه‌زن لسه‌ر مێڤانا خۆ یانه‌یا موناكو تۆماركری ب حه‌فت گۆلان به‌رامبه‌ر گۆله‌كێ‌ د گۆپیتكا گه‌را 33ێ‌ دا . یانه‌یا پاریسی بڤێ‌ سه‌ركه‌ڤتنێ‌ جوداهی دگه‌ل موناكو بۆ 17 خالان زێده‌كر و به‌ری بداوی هاتنا خۆلێ‌ ب پێنج گه‌ران ناسناڤ مسۆگه‌ركر، و بڤان حه‌فت گۆلان هژمارا گۆلێن خۆ گه‌هانده‌ 103 گۆلان و دبیته‌ ئێكه‌م یانه‌ د هه‌ر پێنج مه‌زن خۆلێن ئورۆپا دا لڤی وه‌رزی ژ 100 گۆلان دبووریت كو یانه‌یا مانچسته‌ر ستی یا ئنگلیزی ب 93 گۆلان لرێزا دووێ‌ دهێت، هه‌ر دڤێ‌ یارییێ‌ دا هێرشبه‌رێ‌ ئوروگوای ئێدینسون كاڤانی گۆله‌ك تۆماركر، و هژمارا گۆلێن خۆ دگه‌ل پاریسێ‌ د خۆلا فره‌نسا دا گه‌هانده‌ 113 گۆلان و ب هه‌ڤپشكی دگه‌ل ستێرا سویدی زلاتان ئیبراهیمۆڤیچی دبیه‌ گۆلكارێ‌ دیرۆكی یێ‌ یانه‌یێ‌ دخۆلێ‌ دا و ده‌لیڤه‌یه‌كا باش هه‌یه‌ كاڤانی ڤێ‌ ریكۆردێ‌ لسه‌ر ناڤێ‌ خۆ بنێڤسیت، ژلایه‌كێ‌ دیڤه‌ ئه‌ڤه‌ دبیته‌ ناسناڤێ‌ 37 به‌ره‌ڤانێ‌ به‌رازیلی دانی ئه‌لڤێس د كاروانێ‌ خۆ دا بده‌ستڤه‌دبه‌ت، پشتی ڤێ‌ یارییێ‌ كارگێرییا یانه‌یا موناكو داخازا لێبۆرینێ‌ ژ جه‌وماوه‌رێ‌ خۆ خاست و ئه‌و كه‌سێن پلێتێن یارییێ‌ كرین پاره‌ویێ‌ وان لێ‌ ڤه‌گه‌راند.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.