پارتی و ئالییێن تورکمانی و كرستیان كۆمبوو

پارتی و ئالییێن تورکمانی و كرستیان كۆمبوو

WAAR-دهۆك:

شاندەکا مەکتەبا سیاسی یا پارتی ل هەولێرێ د گەل ئالیێن تورکمانی كۆمبوو و پێکئینانا حکوومەتێ گووبیژكر، پاشى سه‌را ئالیێن كرستیان دا.
بەشدار حسێن، پەیامنێرێ وار ل هەولێرێ دیار کر؛ شاندەکا بلند یا مەکتەبا سیاسی یا پارتییا دیمۆکرات یا کوردستانێ ئەڤرۆ ژ بۆ گۆتوبێژکرنا پێکئینانا حکوومەتا هەرێما کوردستانێ، دگەل ئالییێن سیاسی یێن تورکمانی دا ل ئاڤاهیێ مالا تورکمانان ل هەولێرێ كۆمبوون.
پەیامنێرێ وار دا زانین ژی؛ تەوەرەکێ دی یێ کۆمبوونێ گرێدایی رەوشا کەرکووکێ و دەڤەرێن کوردستانێ یێن دەرڤەی ئیدارەیا هەرێمێ بوو، ژ ئالییه‌كێ دى ڤه‌ پارتى د گه‌ل ئالیێن كرستیان نها د كۆمبوونێ دایه‌.
پارتی بۆ پێکئینانا حکوومەتا هەرێما کوردستانێ د گەل پڕانییا ئالیێن سیاسی دا کۆم بوویە و هەژدەیی ڤێ مەهێ، پەرلەمانێ کوردستانێ بۆ هەلبژارتنا دەستەیا سەرۆکاتییا پەرلەمانی دێ کۆم بیت و د روونشتنێن د دووڤ دا، پارتی بۆ پێکئینانا حکوومەتێ دێ هێتە راسپاردن.

بابه‌تێن ب ڤێ مژارێ ڤه‌ گرێدای