پارتى ب پرۆژه‌یێن نوو، ئه‌و ژى ب حزبێن نوو

كارزان فه‌قى

چه‌ند ته‌ماشه‌ دكه‌م، هیچ جاره‌كێ و هیچ هه‌لبژارتنه‌كێ من ركابه‌ریا پارتێن سیاسى ب ڤى ره‌نگى نه‌دیتیه‌، ڤێ گه‌رێ هه‌ر ئالییه‌ك دخوازیت ب هه‌موو شیانێن خوه‌ سه‌رنجا ده‌نگده‌ران بۆ لیستا خوه‌ رابكێشیت، لێ ئه‌گه‌ر ب هوورى ته‌ماشه‌ى ماتریالێ بانگه‌شه‌یا پارتێن سیاسى یێن پشكدارى هه‌لبژارتنان بكه‌ین دێ ب باشى بینین كیژان پارت ب كردار بانگه‌شه‌ ده‌ستپێكریه‌ و كیژان ژى هێشتا پرۆژه‌یێن نڤێسكینه‌ وه‌كو هه‌موو هه‌لبژراتنێن بۆرى ب تنێ ل ده‌مێ بانگه‌شه‌یا هه‌لبژارتنان دهێته‌ گۆتن و ددووڤدا ژى نه‌ ئه‌و پرۆژه‌ و نه‌ خوه‌دانێن وان ب هیچ ره‌نگه‌كى ناهێنه‌ دیتن، به‌روڤاژى ڤێ یه‌كێ ژى حزبا ده‌ستهه‌لاتدار كو پارتییه‌ ب پێچه‌وانه‌ى هه‌موو هه‌لبژارتنێن بۆرى بانگه‌شا خوه‌ كر، ڤێ گه‌رێ گه‌له‌ك ب هێز و ب ڤه‌كرنا گه‌له‌ك پرۆژه‌یان هاته‌ ناڤا ركابه‌ریا ب ده‌ستخستنا زۆرترین كورسیێن په‌رله‌مانێ كوردستانێ، تا نها نه‌گۆتیه‌ د چارسالێن بهێت دێ وه‌سا كه‌م، به‌لكو ب كردار پارتى دبێژیت ئه‌ڤه‌ من كر، واته‌ ئه‌و پرۆژه‌یێن كو پارتى د ڤان رۆژان به‌رێ بناغێ بۆ داناى و ئه‌و پرۆژه‌یێن خستینه‌ د خزمه‌تا وه‌لاتیان دا و ب فه‌رمى هاتینه‌ ڤه‌كرن ئاماژه‌نه‌ كو پارتى سه‌ره‌راى كو دیرۆك ب خوه‌ ب شانازى ددانیت و پلان بۆ پاشه‌رۆژا خوه‌ هه‌یه‌، به‌لكو به‌رده‌وام خوه‌ نیشان دده‌ت كو د (نها)
دا ژى دژیت، ئه‌و پرۆژه‌یێن كو پارتى سالانه‌ ل سنورێ ده‌ستهه‌لاتداریا خوه‌ ل هه‌ولێرێ و دهۆكێ دروست دكه‌ت، هه‌ڤده‌مه‌ ل گه‌ل دروستبوونا حزبێن نوو یێن سلێمانى كو سالانه‌ دهێنه‌ دروستكرن و ژ بلى دروشێمن ژناڤبرنا پارتى، تا نها هیچ پرۆژه‌یه‌‌كێ دى ژ بۆ ده‌نگده‌رێن سنورێ خوه‌ باس نه‌كریه‌، ئه‌وا كو ل ڤان رۆژان نیچیرڤان بارزانى ل دهۆكێ و هه‌ولێری كرى، ب 27 سالێن ده‌ستهه‌لاتداریا پارتێن زۆنا ره‌نگاوره‌نگ ل سنورێ سلێمانى و هه‌له‌بجه‌ نه‌هاتیه‌ كرن كو پتر ژ پارێزگه‌ها هه‌ولێرێ و دهۆكێ بودجه‌ ل به‌ر ده‌ستێ وان ژى بوویه‌، گرنگه‌ بزانین سه‌رۆكێ حكومه‌تێ ل هه‌ولێرێ و دهۆكێ چ پرۆژه‌ هه‌بوو، ل ده‌مێ دانانا به‌رێ بنیاتا رێكا رۆڤیا-گۆپال كو رێكه‌كا ستراتیژیا ناڤبه‌را هه‌ولێرێ و دهۆكێ یه‌، د هه‌مان ده‌مدا تۆنێلا گه‌لێ زاخۆ ب فه‌رمى ل پێش وه‌لاتیان ڤه‌كر، رۆژه‌ك ب سه‌ر ڤێ یه‌كێ ده‌رباز نه‌بوو، نێچیرڤان بارزانى سه‌رۆكێ حكومه‌تا هه‌رێما كوردستانێ به‌رێ بنیاتا مه‌زنترین جاده‌ ل سه‌ر ئاستێ كوردستانێ و ئیراقێ ل هه‌ولێرێ دانا ئه‌و ژى جاده‌یا 150 مه‌ترى یه‌، كو به‌رى چه‌ند مه‌هه‌كان جاده‌یا 120 مه‌ترى ل وى باژارى ب داوى هات و ب فه‌رمى هاته‌ ڤه‌كرن. له‌ورا بۆ من گومان چێدبیت ده‌ما كو پارتى ب حكومه‌تا خوه‌ ڤان پرۆژه‌یان بكه‌ت د هه‌مان ده‌مدا پرۆژه‌یێن حزبێن سلێمانیێ ژ ناڤبرنا پارتى بیت، ئه‌ڤه‌ بخوه‌ و ب ئاشكه‌را وێ رامانێ دده‌ت كو ب ژناڤبه‌رنا پارتى وان دڤێت ئه‌و برسیبوون و نه‌رازیبوون و نه‌بوونا خزمه‌تگۆزاریان كو ل سلێمانیێ هه‌یه‌ بۆ ده‌ڤه‌رێن دى یێن هه‌رێما كوردستانێ ڤه‌گوهێزن، چونكه‌ ئه‌گه‌ر ئه‌ڤ گۆتنا من راست نه‌بیت چما پتر ئه‌و تلا خوه‌  ژبۆ پارتى درێژ دكه‌ن و نكارن ب باشی ژى ناڤێ ئێكه‌تیێ و ڤه‌شارتنا بۆدجه‌یا سلێمانیێ باس بینن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.