پارتا كاركه‌رێن كوردستانێ په‌كه‌كێ ئاگربه‌ستا ئێكئالی راگه‌هاند

پارتا كاركه‌رێن كوردستانێ په‌كه‌كێ ئاگربه‌ستا ئێكئالی راگه‌هاند

وار – دهوك :

پارتا كاركه‌رێن كوردستانێ په‌كه‌كێ، ئه‌ڤرۆ ئاگربه‌ستا ئێك ئالی راگه‌هاند و بڕیار دا، ئێدی هێرشێن خوه‌ ل سه‌ر سوپایێ توركیا راگریت.

سه‌ركرداتییا پارتا كاركه‌رێن كوردستانێ په‌كه‌كێ، ئه‌ڤرۆ رۆژا شه‌مبی، بریار دا ئاگربه‌ستا ئێك ئالی رابگه‌هینیت و ئێدی شه‌ڕی ل دژی سوپا و هێزێن ئاسایشا توركیا نه‌كه‌ت، ل ده‌مه‌كی، سه‌رۆك وه‌زیرێن توركیا راگه‌هاندییه‌، ئه‌گه‌ر په‌كه‌كه‌ ئاگربه‌ستێ رابگه‌هینیت، ئه‌و دێ ئۆپه‌راسیۆنێن خوه‌ ل دژی وان به‌رده‌وام كه‌ن.
ئه‌حمه‌د داوود ئۆغلۆ ئه‌ڤ چه‌نده‌ راگه‌هاندییه‌ و ئه‌ڤ ئاگربه‌ستا په‌كه‌كێ ژی ب ته‌كتیكی ناڤكرییه‌.

ل 24 تیرمه‌ها ئه‌ڤ ساله‌، شه‌ڕێ ل ناڤبه‌را په‌كه‌كێ و سوپایێ توركیا ده‌ستپێكر و ژ وی ده‌مێ تا نها ب سه‌دان پۆلیس و سه‌رباز و گه‌ریلا بووینه‌ قوربانی.
سوپا و هێزێن ئاسایشا توركیا ژی، ب وێ به‌هانه‌یێ ب سه‌دان كادر و ئه‌ندام و ئالیگرێن په‌كه‌كێ ده‌سته‌سه‌ر و بنچاڤ كرینه‌.

بابه‌تێن ب ڤێ مژارێ ڤه‌ گرێدای