پارتا دەستەلاتدار هەژی سەرکەفتنێ بو؟

پارتا دەستەلاتدار هەژی سەرکەفتنێ بو؟

هوزان عەبدوللا

د چار سالێن کابینەیا بووری یا حکومەتا بنکە فراوان دا وەلاتیێن هەرێمێ د نەخوشترین بارودوخ دا دەرباز بوون، ب گرە ژ هاتنا تیرورستێن داعشێ و داکەفتنا بهایێ پەترولێ و هاتنا ب هزاران ئاوارەیان ژ بۆ هەرێمێ و تێکچوونا ناڤمالیا کوردی ل ناڤا هەرێمێ و دیسان ل ئیراقێ ژی کو پارتێن کوردی ببون بەنیشتنێ دەڤێ لایەنێن شیعی و سونی.

سەرکەفتنا رێفراندوما هەرێما کوردستانێ ب سەرکێشیا پارتی ، بو بەهانەیەکا هەری باش ژ بۆ هەموو نەیارێن ناڤخوە و دەرڤە ژ بۆ کارکرن بۆ ژناڤچوونا پارتی، بەروڤاژی هەموو پیلانان پارتی د سالەکێ دا د دو هەلبژارتنێن مەزن یێن چارەنڤیساز دا شیا ببیتە پارتا یەکەم ل سەر ئاستێ ئیراقێ و هەرێمێ و بێ هیچ هەڤپەیمانیەک شیا سەرکەفتنا مەزن تومارکەت .

کێ پارتی ب سەر خست؟

  • خوراگریا وەلاتیێن هەرێما کوردستانێ ب تایبەت وان دەڤەرێن بن دەستەلاتا پارتی و باوەریا وان ب پلانێن ستراتیژی یێن پارتی فاکتەرێ هەری سەرەکی یێ سەرکەفتنا پارتی بوو د هەلبژارتنێن ئیراقی و هەرێمێ دا.
  • ئەو باوەریا پارتی ژ بۆ دەنگدەرێ خوە هەرژ دامەزراندنا خوە و تا نها درستکری کو پارتەکە ژ بۆ پاراستنا مافێن وان و دامەزراندنا دەولەتا کوردی هاتیە دامەزراندن ئەگەرەکێ دی بو یێ ڤێ سەرکەفتنا مەزن.
  • ژناڤبرنا گەندەلیێ و پێداگریا حکومەتا هەرێمێ ب سەرۆکاتیا نێچێرڤان بارزانی لسەر جێبەجێکرنا پرۆژەیێ چاکسازیێ کو هەموو لایەنێن دی تا نها دژن ل سەر جێبەجێکرنا ڤی پرۆژەی، راستیا نیەتا پارتی لسەر خوشگوزەرانیا وەلاتیان دوپات کر.
  • شیانێن مەزن و دوپلۆماسیەتا بهێز یا پارتی پشتی دورپێچا ژ لایێ ئیراقێ ب هاریکاریا نەیارێن ناڤخوە و دەرڤە لسەر هەولێرێ هاتیە سەپاندن، ب باشی دیار بوو ب تایبەت دەمێ نێچیرڤان بارزانی شیای د دەمەکێ کێم دا دەست ب دانوستاندنا دگەل بەغدا بکەت و وان دورپێچان راکەت، ئەڤەژی دەستەکەفتەکێ دی یێ پارتا دەستەلاتدار بوو بو سەرکەفتنا مەزن.
  • بەبژارکرنا کاندیدێن گەنج و خودان شیان و ژ تەخ و چێنێن جودا یێن کومەلگەهێ و بێی جوداهی ئەگەرەکێ دی یێب هێزێ سەرکەفتنا مەزن بوو

ژ بەر ڤان ئەگەران و ب داهان ئەگەرێن دی پارتی شیا ب هاریکاریا لایەنگرێن خوە سەرکەفتنا هەژی ل سەرانسەری هەموو ئیراقێ و کوردستانێ توماربکەت. د قوناگا داهاتی ژی دا و پشتی دامەزراندنا حکومەتا نوو کو پتریا چاڤدێران ئاماژێ ب درستکرنا حکومەتا پرانی دکەن، دڤێت ب راستی ببیتە حکومەتەک کو دابینکرنا خزمەتگوزاریان و خوشکرنا ژیانا وەلاتیان و نەهێلانا بێکاریێ ی ببیتە کارێن وێ یێن دەستپێکی، نە بەژداریا لایەنێن دی یێن نەرازی کو بەریا نها ب رۆژ حکومەت بوون و بشەڤ ئۆپۆزسیون بوون دێ بیتە فاکتەرە بو به‌یزکەفتنا حکومەتا داهاتی یا هەرێما کوردستانێ.

بابه‌تێن ب ڤێ مژارێ ڤه‌ گرێدای