٢٠١٥ گەرمترین سالە د دیرۆکێ دا!

٢٠١٥ گەرمترین سالە د دیرۆکێ دا!

وار – دهۆک :

پلەیا گەرماتیا سالا ٢٠١٥ بوویە یەک ژ گرنگترین بابەتێن گەنگەشێ ل ناڤا زانایێن سەقای و پڕانیا ئاژانسێن دەنگ و باسان ل جیهانێ باسێ شکاندنا پلەیا پیڤای دکەن.
سالا ٢٠١٥ نمرا پیڤای د دیرۆکێ دا شکاند، ژبەرکو پلەیا گەرماتیێ ل ئەڤ سالە ژ هەموو سالان بلندترە. ب ڤی رەنگی ئەردی هندەک نمرەیێن نوو د ریکۆردێن خوە دا تومارکرن. لێ ڤێ چەندێ زانایێن کەشناسی و سەقای سەرسام نەکر، ئاژانسا ئەمریکی یا کەشناسی، بەرگێ بای و زەریایان “National Oceanic and Atmospheric Administration.” دبێژیت پلەیێن گەرماتیێ یێن مەها ئادارا بووری بلندترین پلەیێن گەرماتیێ نە تا نها د دیرۆکێ دا هاتینە تومارکرن.
هەروەسا ئاژانسا کەشناسیا ژاپۆنی “Japan Meteorological Agency” ژی مەها ئادارێ ب گەرمتریمەه ژ ناڤا سێ مەهێن بووری دیارکریە، لێ ئاژانسا ناسایێ مەها ئادارێ ب سێیەم گەرمترین مەهـ ناڤبریە، لێ هەرسێ ئاژانسێن ناڤهاتی سێ مەهێن بوری ب گەرمترین دەستپێک بۆ ئەڤ سالە دبینن.
هەژی گۆتنێ یە کو زانا دبێژن سالا بوری ژ هەموو سالان گەرمتربوو و پلەیێن وێ یێن گەرماتیێ ژ هەموو سالان بلندتر بوون، لێ ب ڤان ریکۆردێن نوو دبێژن سالا ٢٠١٥ نمرەیا ئاسایی شکاندەڤە.
دیسا زانا دبێژن ژی ژ ناڤا هەڤدە سالێن بووری؛ پێتر ژ دەهـ سالان پلەیێن گەرماتیێ یێن هەری مەزن ل لیستا نمرەیێن پیڤان زێدەکرینە.
هەرچەندە ئەڤ پلەیێن نە نۆرمال مرۆڤی مەندەهۆش دکەن، لێ زانا یان پێشبینی دکر ئەڤ سالە ژ سالا بۆری گەرمتربیت، سەرەرای ڤێ چەندێ ژی گەلەک دەڤەرێن ئەردی د سەرمایەکا دژواردا دبۆرن.
هەژیە بێژین ئەڤ دیاردە ژ کارڤەدانا دیاردەیا پەنگینا گەرمیێ پەیدادبن و زانا د کۆنفرانسێن جیهانی یێن ژینگەهێ دا هۆشداریان دەرباری کارەساتێن مەزن ددەن.

بابه‌تێن ب ڤێ مژارێ ڤه‌ گرێدای