وەلاتییێن بەغدا ئاھەنگا رزگارکرنا مووسلێ گێرا

وەلاتییێن بەغدا ئاھەنگا رزگارکرنا مووسلێ گێرا

WAAR-دهۆك:

ھەژمارەکا زێدە یا وەلاتییێن باژارێ بەغدا دوھی ب شەڤ ل مەیدانا تەحریر ئاھەنگێن رزگارکرنا باژارێ مووسلێ گێران.
پشتی دوھی رزگارکرنا باژارێ مووسلێ ژ دەستێ رێکخستنا تیرۆرستی یا داعشێ ب تەمامی ھاتییە راگەھاندن، ھەژمارەکا زێدە یا وەلاتییێن بەغدایا پایتەختا ئیراقێ دەرکەفتنە سەر جادەیان و ل مەیدانا تەحریر خرڤەبوون و ئاھەنگێن رزگارکرنا وی باژارێ گێران و تا درەنگی شەف بەردەوام بوون.
دوھی حەیدەر عەبادی، سەرۆکوەزیرێن ئیراقێ و فەرماندارێ گشتی یی ھێزێن چەکدار، بۆ راگەھاندنا سەرکەفتنا ئێکجاری ب سەر تیرۆرستێن داعشێ دا، گەھشت باژارێ مووسلێ، و رزگارکرنا مووسلێ ب تەمامی ژ دەستێن داعشێ راگەھاند.
ل ھەڤدەی چریا ئێکێ یا سالا بۆری ھێزێن ئیراقی ئۆپەراسیۆنا رزگارکرنا وی باژاری دەست پێ کربوو و پشتی درەبازبوونا دوسەد و شێست و شەش رۆژان ژ وێ ئۆپەراسیۆنێ، ئەو باژار ب تەمامی ھاتە رزگارکرن.

بابه‌تێن ب ڤێ مژارێ ڤه‌ گرێدای