وەزیرێ دەرڤە یێ ئیرانێ دێ سەرا ھەرێما کوردستانێ دەت

وەزیرێ دەرڤە یێ ئیرانێ دێ سەرا ھەرێما کوردستانێ دەت

WAAR-دهۆك:

بریارە سوبە وەزیرێ دەرڤە یێن ئیرانێ ب سەرۆکاتییا شاندەکا سیاسی و ئابۆری سەرا ئیراقێ و ھەرێما کوردستانێ بدەت.
ئاژانسا تەسنیم یا ئیرانی ل سەر زارێ بەھرام قاسمی پەیڤدارێ وەزارەتا دەرڤە یا ئیرانێ دیار کر: سوبە محەمەد جەواد زەریف وەزیرێ دەرڤە یێ ئیرانێ ب سەرۆکاتییا شاندەکا سیاسی و ئابۆری کو ب دەھان بەرپرسێن حکومەتێ و کۆمپانیێن کەرتێ گشتی و تایبەت ل گەلن دێ سەرەدانا ئیراقێ و ھەرێما کوردستانێ دەن.
قاسمی ئاشکرا کر: زەریفی د سەرەدانا خوە دا دێ ل گەل رایەدارێن ئیراقێ کۆم بیت و دێ پشکداری کۆربەندا بازرگانییا ھەڤپشک د ناڤبەرا ئیراق و ئیرانێ دا بیت ل ھەردو پارێزگەھێن سلێمانی و کەربه‌لا.
د داخۆیانییا خوە دا پەیڤدارێ وەزارەتا دەرڤە یا ئیرانێ دیار نەکریە: زەریفی دێ سەرا ھەولێرێ دەت یان نە.

بابه‌تێن ب ڤێ مژارێ ڤه‌ گرێدای