وەزیرێ دارایی یا تورکیا د گەل سەرۆکێ ئەمریکا کۆم بوو

وەزیرێ دارایی یا تورکیا د گەل سەرۆکێ ئەمریکا کۆم بوو

WAAR-دهۆك:

وەزیرێ گەنجینە و دارایی یێ تورکیا د گەل سەرۆکێ ئەمریکا ل واشنتۆنێ کۆم بوو و پرسین ئابۆری د ناڤبەرا ئەنقەرە و واشنتۆنێ دا گۆتوبێژ کرن.
بەرات ئەلبایراک، وەزیرێ دارایی یێ تورکیا یێ نھا ب سەرەدانەکێ ل ئەمریکا راگەھاند؛ دۆنالد ترامپ، سەرۆکێ ئەمریکا پێشوازی ل وی کرییە و سلاڤێن سەرۆککۆمارێ تورکیا پی گەھاندینە.
ئەلبایراک ئاشکرا کر، پشتی کۆمبوونا د گەل ترامپی، دێ د گەل ستیڤ منۆچن، وەزیرێ گەنجینا ئەمریکا کۆم بیت و گاڤێن بلندکرنا ئاستێ ھەناردەکرنا کەلوپەلێن تورکیا بۆ ئەمریکا گۆتوبێژ کەت.
پشتی رێککەفتنا تورکیا بۆ کڕینا سیستەمێ بەرگریێ ئێس 400  یێ رۆسی و چەندین پرسێن دی، پەیوەندیێن ئەنقەرە و واشنتۆنێ ئالۆز بووینە و ئەمریکا چەندین جاران گەفێن سەپاندنا سزایان ل ئەنقەرە کرینە.

بابه‌تێن ب ڤێ مژارێ ڤه‌ گرێدای