وەزیرێ بەرگرییا ئەمریکا ل بەغدایە

وەزیرێ بەرگرییا ئەمریکا ل بەغدایە

WAAR-دهۆك:

وەزیرێ بەرگرییا ئەمریکا ب وەکالەت ئەڤرۆسپێدێ گەهشتە بەغدا و دێ دگەل سەرۆکوەزیرێ ئیراقێ کۆم بیت، ئۆفیسا سه‌رۆكێ حكومه‌تا هه‌رێما كوردستانێ ژی بۆ وار دیاركر، دیار نینه‌ ئه‌گه‌ر سه‌ره‌دانا هه‌رێمێ بكه‌ت.
پاتریک شاناهان، وەزیرێ بەرگرییا ئەمریکا ب وەکالەت ئەڤرۆ ب سەرەدانەکا نەچاڤەڕێکری گەهشت بەغدا و وەزارەتا دەرڤە یا ئەمریکا راگەهاند، سەرەدان بۆ دوپاتکرنا رێزگرتنا ئەمریکا بۆ سەروەرییا ئیراقێ.
بریارە شاناهان ل دەمێن بهێن دگەل عادل عەبدولمەهدی، سەرۆکوەزیرێ ئیراقێ و سەرکردەیێن هێزێن ئەمریکی ل ئیراقێ کۆم ببیت و بەری کۆمبوونێ وەزیرێ بەرگرییا ئەمریکا دەربارەی هەبوونا هێزێن ئەمریکی ل ئیراقێ دیار کر، سەربازێن ئەمریکی ل دووڤ داخوازا بەغدا ل ئیراقێ نە.
ژێده‌ره‌كێ ژ ئۆفیسا سه‌رۆكێ حكومه‌تا هه‌رێما كوردستانێ ژی بۆ وار دیاركرییه‌، هێشتا دیار نینه‌، ئه‌گه‌ر وه‌زیرێ به‌رگرییا ئه‌مریكا پشتی به‌غدایێ، سه‌ره‌دانا هه‌ولێرێ بكه‌ت.
دۆنالد تڕامپ، سەرۆکێ ئەمریکا بەری نها هەبوونا سەربازێن ئەمریکی ل ئیراقێ بۆ چاڤدێرییا ئیرانێ ب گرنگ ناڤ کربوو و ژمارەکا مەزن یا بەرپرس و پەرلەمانتارێن ئیراقی داخوازا دەرخستنا هێزێن ئەمریکی دکەن.

بابه‌تێن ب ڤێ مژارێ ڤه‌ گرێدای