وەزارەتا پێشمەرگە ل سەر کێمئەندامێن پێشمەرگەی ھاتە دەنگ

وەزارەتا پێشمەرگە ل سەر کێمئەندامێن پێشمەرگەی ھاتە دەنگ

WAAR-دهۆك:

وەزارەتا پێشمەرگە ل سەر کێمئەندامێن پێشمەرگەی ھاتە دەنگ و رەد کر، دوبارە پێداچوون د مامەلەیێن کێمئەندامێن پێشمەرگەی دا بۆ بھێت کرن.
فەریق جەبار یاوەر ئەمیندارێ گشتی یێ وەزارەتا پێشمەرگەی د روونکرنەکێ دا، نووچەیێ ھندەک سازیێن مەدیایێ رەدکر کو راگەھاندییە، کو لژنەیەکا نوشداری ھاتییە دامەزراندن و دوبارە دێ پێداچوونا مامەلەیێن کێمئەندامێن پێشمەرگەی کەت و گۆت: ئەو لژنەیا نوشداری بۆ دەما دو سالانە ھاتییە دامەزراندن و کارێن وێ بەر ب دوماھیێ نە.
جەبار یاوەری دوپات کر: تا نھا چاڤپێکەفتن ل گەل زێدەتری نەھـ ھزار کێمئەندامێن پێشمەرگەی ھاتییە کرن و ل ئێکێ مەھا تیرمەھێ دێ ئەرکێن وێ ب دوماھی ھێت و چاڤپێکەفتن ل گەل کێمئەندامان ناھێت کرن، بەلکو بریارێن لژنێ ب فەرمانا جڤاتا وەزیران و وەزارەتا پێشمەرگەی دێ ھێنە بجھئینان.

بابه‌تێن ب ڤێ مژارێ ڤه‌ گرێدای