وەزارەتا شەھید و ئەنفالکرییان: گۆرێ ب کۆم ل موسەننا یێ وەلاتییێن کوردە

وەزارەتا شەھید و ئەنفالکرییان: گۆرێ ب کۆم ل موسەننا یێ وەلاتییێن کوردە

WAAR-دهۆك:

وەزارەتا شەھید و ئەنفالکرییان یا حکومەتا ھەرێما کوردستانێ راگەھاند؛ ئەو گۆڕێ ب کۆم یێ ل پارێزگەھا موسەننا ل باشۆرێ ئیراقێ ھاتیە دیتن، قوربانیێن وێ وەلاتیێن کوردن.
فوئاد ئۆسمان، پەیڤدارێ وەزارەتا شەھید و ئەنفالکرییان د داخویانیەکا رۆژنامەڤانی دا راگەھاند؛ وەزارەتا شەھید و ئەنفالکرییان ھەماھەنگی د گەل پارێزگەھا موسەننا کرییە، پشتی دیتنا وی گۆڕێ ب کۆم راگەھاندی، بەلگە ژی وێ یەکێ ئاشکرا دکەن کو قوربانییێن وی گۆڕی وەلاتییێن کوردن و ھەژمارا وان ژی دیار نینە.
فوئاد ئۆسمان گۆت: وەزارەتا شەھید و ئەنفالکرییان د گەل دەستەیا شەھیدان ل بەغدا ھەماھەنگی کرییە بۆ ھەلدانا وی گۆری، ھەروەسا ھنارتنا نموونەیان بۆ پزیشکییا داد ل بەغدا بۆ پشکنینێن دی ئێن ئەی و زانینا ناسناما قوربانییان.
دوھی ئەحمەد مەنفی، پارێزگەرێ موسەننا راگەھاند بوو؛ گۆرەکێ ب کۆم ل بیابانا سەماوە ھاتیە دیتن، قوربانیێن وێ ژی ھەموو کوردن، یێن د ھەوا ئەنفالێن رەش دا ب ساخی ھاتینە بنئاخکرن.

بابه‌تێن ب ڤێ مژارێ ڤه‌ گرێدای