WAAR-دهۆك:
وەزارەتا ئەوقاف و کاروبارێن ئۆلی یا ھەرێمێ راگەھاند؛ ھەر بەربژار و ئالیەکێ مزگەفتان بۆ بانگەشەیا ھەلبژارتنان بکاربینیت دێ ھێتە سزادان.
نەبەز ئسماعیل پەیڤدارێ وەزارەتا ئەوقاف و کاروبارێن ئۆلی یا حکومەتا ھەرێما کوردستانێ بۆ مالپەرێ فەرمیێ پارتی گۆت: ھەر بەربژار و ئالیەکێ مزگەفتان و دیوارێن وێ بۆ بانگەشەیا ھەلبژارتنان بکاربینیت، راستەوخوە دێ سکالایا یاسایی ل سەر ھێتە تۆمارکرن.
پەیڤدارێ وەزارەتا ئەوقافێ دوپات ژی کر: ھەر مامۆستایەکێ ئۆلی د گوتارا خوە دا ، بانگەشەیا ھەلبژارتنان بکەت، دێ لێپرسین د گەل دا ھێت کرن، ئاماژە کر کو رێنمایێن تایبەت ب بانگەشەیا ھەلبژارتنان ڤە دێ سبە ھێن دەرکرن و ب نڤیسار دێ ئاراستەیی کۆمسیۆنێ و رێڤەبەریێن سەر ب وەزارەتێ ڤە ھێن کرن.
