ویکیپیدیا دێ سکالایێ ل سەر حکومەتا تورکیا تۆمار کەت

ویکیپیدیا دێ سکالایێ ل سەر حکومەتا تورکیا تۆمار کەت

WAAR-دهۆك:

فەرھەنگا ویکیپیدیا بزاڤێن نوو دکەت کو حکومەتا تورکیا دۆرپیچێ ل سەر راکەت یا 2  سالە ل سەر ھاتیە سەپاندن، بۆ وێ یەکێ ژی دێ پەنایێ بۆ دادگەھا ئەورۆپا بەت.
کاترین ماھر، رێڤەبەرا دەزگەھێ ویکیمیدیا یا سەرپەرشتییا فەرھەنگا ویکیپیدیا دکەت د پرێسکۆنفرانسەکێ ھەڤپشگ دا د گەل جیمی ویلز، دامەزرێنەرێ ویکیپیدیایێ راگەھاند؛ ئەو دێ سکالایەکێ ل دادگەھا ئەورۆپا یا مافێن مرۆڤی دژی حکومەتا رەجەب تەیب ئەردۆغان تۆمار کەن، بۆ راکرنا دۆرپێچێ ل سەر فەرھەنگا وان.
کاترین ماھر ئاشکرا کر، ئەو گاڤا وان ژبەر وێ یەکێ یە کو فەرھەنگا وان پێگیرە ب زانین و ئازادییا دەربرینێ، وەکو مافەکێ سەرەکی یێ ھەر مرۆڤەکی.
ئاشکرا ژی کر، دێ سکالایێ ل دادگەھا ئەورۆپا تۆکار کەن، ژبەرکو ھەموو بزاڤێن وان یێن قانوونی ل ناڤا تورکیا بێ بەرھەم بوون.
حکومەتا ئەنقەرە بریارا راگرتنا فەرھەنگا ویکیپیدیا ل سالا 2017ێ دایە، پشتی وێ فەرھەنگێ دەقەک بەلاڤ کری و تێدا گۆتیە، تورکیا پشتەڤانا رێکخستنێن تیرۆرستییە و ژ وانا داعش و قاعیدە.

بابه‌تێن ب ڤێ مژارێ ڤه‌ گرێدای