ویلیامز و تورو رۆسۆیێ ترومبێلێن خوه‌ یێن نوو نمایشكرن

ویلیامز و تورو رۆسۆیێ ترومبێلێن خوه‌ یێن نوو نمایشكرن

WAAR-دهۆك:

تیما ویلیامز یا بریتانی ترۆمبێلا خو یا نوو بۆ وەرزێ ٢٠١٩ یێ قارەمانییا جیھانێ یا بەریکانەیێن ترومبێلێن فورمۆلا وەن د چالاکییەکا تایبەت دا لباژێرێ ئوکسفۆرد نمایشکر . ھەردوو شوفێرێن نوو یێن ویلیامزێ ھەلگرێ ناسناڤێ فورمۆلا دوو جورج راسێل و رۆربێرت کوپیتسا ئەوێ ب ئەگەرێ ھنگاڤتنەکا دژوار بۆ ماوێ ھەشت سالان دوورکەڤتی دڤێ چالاکییێ دا دبەرھەڤبوون . ویلیامزێ ئەوا ١٦ جاران ناسناڤێن شوفێرو تیمان بدەستڤەبرین، چ گھورین دترومبێلا خۆ دا نەکرینە و بتنێ رەنگێ وێ ژ شینێ تاری و سپی بۆ شینێ ڤەبی و سپی گوھارتییە. ھەروەسا تیما تۆرۆ رۆسویی ژی ترومبێلا خۆ یا نوو ئێس تی ئار ١٤ ئەوا دێ د ھەڤرکیێن وەرزێ ٢٠١٩ێدا بکارئینیت نمایشکر، دیزاینێ ڤێ ترومبێلێ ب ھەڤکاری دگەل تیما ریدبۆل ھاتییە دانان، شوفێرێ رۆسی دانیێل کفایت و ھەڤالێ وی یێ تایلاندی ئەلیکساندەر ئالبۆن دێ نوونەرییا تیمێ ل وەرزێ نوو کەن، کو ھەڤرکیێن وەرزێ نوو دێ ل ١٧ مەھا بھێت لباژێرێ مێلبۆرن یێ ئوسترالی دەستپێکەن.

بابه‌تێن ب ڤێ مژارێ ڤه‌ گرێدای