وه‌لاتێن ئه‌ره‌بی د ئه‌نترنێتێ دا ل چ دگەڕن؟

وه‌لاتێن ئه‌ره‌بی د ئه‌نترنێتێ دا ل چ دگەڕن؟

Capture

وار – هه‌ڤال جانگیر :

ب ‌گشتی خه‌لكێ هه‌ر وه‌لاته‌كى گرنگیێ ب‌ بابه‌ته‌كى دده‌ن و دووڤچوونێن وان د گووگل دا بۆ بابه‌ته‌كییه‌ یان چه‌ند بابه‌ته‌كان كو ژ بال خه‌لكێ وى وه‌لاتى ڤه‌ گرنگن.
وه‌كو د‌ مالپه‌ڕێ عاله‌م ئه‌لمه‌عریفه‌ دا هاتییه‌، ب رێیا گووگلى ئاشكراكرییه‌ هه‌ر وه‌لاتییه‌كێ ئه‌ره‌بی پترین سێرچێن وان بۆ چ په‌یڤه‌كێیه‌، ئانكو خه‌لكێ هه‌ر وه‌لاته‌كى زێده‌تر مژوولن ب ده‌ستكه‌ڤتنا پێزانینان لسه‌ر چ؟ لدووڤ چ‌ د‌گه‌ڕن؟
مالپه‌رێ هان ب ڤى ئاوایێ خوارێ، ئه‌و پرسه‌ د هه‌ر وه‌لاته‌كى دا باسكرییه‌:
لوبنان: ل ڤێره‌ پترین سێرچێن خه‌لكى بۆ بابه‌تێن‌ ته‌كنه‌لۆژیاینه‌، زێده‌تر لدووڤ وێ نه‌ كا چ تشتێ نوو هاتییه‌ و چ هه‌یه‌ سه‌باره‌ت ب ته‌كنه‌لۆژیایێ‌، دگه‌ل زانینا كه‌ش و هه‌واى، كو‌ ئه‌ڤه‌ ب پله‌یا دووێیه‌ بۆ سێرچا خه‌لكێ لوبنانێ.
سوریا: پترین سێرچێن ئاكنجیێن وێ بۆ وان په‌یڤانه‌‌ كو په‌یوه‌ندى ب قه‌یرانێن وى وه‌لاتى ڤه‌ هه‌ین.
فله‌ستین: ل ڤێره‌ پترییا سێرچێن ئاكنجێن وێ بۆ ڤان په‌یڤانه‌‌ ’یاری، بلیارد، ستران، وه‌رزش…’.
ئوردن: ل ڤێره‌ ب‌ پله‌یا ئێكێ سێرچ بۆ په‌یڤا ’سپۆنج بۆب’ دهێته‌ كرن، ل پشتى وێ ئێكێ ژى بۆ مالپه‌ڕێ نووچه‌یێن ’سووریا’.
ئیراق: ل ڤێره‌ ب‌ پله‌یا ئێكێ و ب ڕێژه‌یه‌كا زێده‌ سێرچ بۆ په‌یڤا ’sexy’ دهێته‌ كرن، پشتى وێ ژى په‌یڤێن ’وێنه‌، چات و فلم’.
مسڕ: ل ڤێره‌ ب‌ پله‌یا ئێكێ وه‌كو ئیراقێ په‌یڤا ’sexy’ دهێته‌ سێرچ كرن و ب پله‌یا دووێ په‌یڤا ’fuck’.
سودان: ل ڤى وه‌لاتى په‌یڤێن ’فلم، یاری، ستران، وێنه‌، داونلۆد…’ زێده‌ترین سێرچ بۆ دهێنه‌كرن.
لیبیا: ل ڤێره‌ په‌یڤا ’قه‌زافی’ پترین سێرچ بۆ هاتییه‌ كرن.
سعوودیه‌: ل ڤێره‌ زێده‌ترین سێرچ بۆ به‌رنامه‌یێن چاتكرنێ هاتییه‌كرن.
ئیمارات: ل ڤێره‌ زێده‌تر په‌یڤێن ’دوبه‌ی، سامسۆنگ، كه‌نالێ جه‌زیره‌…’ سێرچ بۆ دهێنه‌ كرن.
یه‌مه‌ن: ل ڤى وه‌لاتى ژى په‌یڤا ’facebook’ پترین سێرچ بۆ هاتییه‌كرن‌.

بابه‌تێن ب ڤێ مژارێ ڤه‌ گرێدای