وه‌لاتییێن هه‌رێمێ پتری 3 ترلیۆن دیناران قه‌ردارێن حكومه‌تێ نه‌

وار – دهۆک :

وه‌زاره‌تا دارایی یا هه‌رێمێ دیار كر: وه‌لاتییێن هه‌رێمێ پتری 3 ترلیۆن دیناران قه‌ردارێن حكومه‌تێ نه‌كو د ده‌ما بووری دا وه‌ك قه‌ر و پێشینه‌ژ حكومه‌تێ وه‌رگرتینه‌.
وه‌زاره‌تا دارایی یا هه‌رێما کوردستانی د نڤیساره‌كێ دا راگه‌هاند: بانكێن “خانووبه‌ره‌و چاندن و پیشه‌سازی و خوه‌جهکرن و پێشینه‌یا گه‌شتوگۆزارێ” تا دوماهییا مه‌ها ئادارا 2015ێ قه‌ر و پێشینه‌داینه‌230 هزار و 281 كه‌سان و کۆژمێ گشتی یێ وی پاره‌ی ژی 3 ترلیۆن و 992 ملیار و 356 ملیۆن و 869 هزار دینارن.
دیسان وه‌زاره‌تێ ئاشكه‌را ژی كر: وه‌لاتییان تا دوماهییا مه‌ها سێ یا ئه‌ڤ ساله‌957 ملیار و 779 ملیۆن و 12 هزار دینار ڤه‌گه‌راندینه‌و نها وه‌لاتی ب 3 ترلیۆن و 34 ملیار و 577 ملیۆن دیناران قه‌ردارێن حكومه‌تێ نه‌.

بابه‌تێن ب ڤێ مژارێ ڤه‌ گرێدای