وه‌لاتییێن ئامه‌دێ ده‌ست ب خوه‌نیشاندانێن پشته‌ڤانییا مه‌هابادێ كرن

وه‌لاتییێن ئامه‌دێ ده‌ست ب خوه‌نیشاندانێن پشته‌ڤانییا مه‌هابادێ كرن

وار – دهۆک :

وه‌ك پشته‌ڤانی بۆ خوه‌نیشاندانێن باژارێ مهابادێ ل رۆژهه‌لاتا كوردستانێ، وه‌لاتیێن ئامه‌دێ ل باكۆرێ كوردستانێ ده‌ست ب خوه‌نیشاندانان كر.
فورات ئانلی و گۆلته‌ن كشاناك، هه‌ڤسه‌رۆكێن شاره‌دارییا ئامه‌دێ، پشكداری خوه‌نیشاندانا پشته‌ڤانییا مهابادێ بوون و د پرێس كۆنفرانسه‌كێ دا، گۆلتان كشاناكێ ئاشكراكر؛ هه‌ر ده‌ما گه‌نجێن كورد ب خوازن ب زمان و كلتوورێ خوه‌ بژین، ژ ئالیێ رژێما ئیرانێ ڤه‌ دهێنه‌ سێداره‌دان و كوشتن، ئه‌و مه‌ژیێ به‌ریا چه‌ند رۆژه‌كان، كچا مهابادی (فه‌ریناز خوسره‌ وانی) كوشتی، هه‌مان مه‌ژیێ رژێما ئیرانێ یه‌.
ژ ئالیێ خوه‌ڤه‌ پارتا هه‌رێمێن دیموكرات د به‌یانه‌كێ دا، داخوازا خرڤه‌بوون و خوه‌نیشاندانێن سه‌رتاسه‌ری بۆ شه‌رمزاركرنا ده‌ستدرێژییا وان كه‌سێن فه‌رینازا خوسره ‌وانی نه‌چاری كوشتنێ كری، دیسان بۆ پشته‌ڤانییا خوه‌نیشاندانێن مهابادا رۆژهه‌لاتا كوردستانێ كر.
دیارژی كرییه‌؛ خوه‌نیشاندانێن نها ل مهابادێ، به‌ره‌ڤ ئاراسته‌یا سه‌رهلدانێ ل رۆژهه‌لاتا كوردستانێ دچن، له‌و پێدڤییه‌ گه‌لێ كورد پشته‌ڤانیێ بكه‌ت.

بابه‌تێن ب ڤێ مژارێ ڤه‌ گرێدای