وه‌زیرێ وه‌رزش و لاوێن ئیراقێ: دێ پێنگاڤێن باش بۆ پێشئێخستنا وه‌رزشا كوردستانێ هاڤێژین

وه‌زیرێ وه‌رزش و لاوێن ئیراقێ: دێ پێنگاڤێن باش بۆ پێشئێخستنا وه‌رزشا كوردستانێ هاڤێژین

Capture

وار – دهۆک :

دوهی دسه‌ره‌دانه‌كا فه‌رمی دا عه‌بدولحسێن عه‌بدان وه‌زیرێ وه‌رزش و لاوان و ره‌عه‌د حه‌موودی سه‌رۆكێ لیژنه‌یا ئۆلۆمپییا ئیراقێ و شاندێ دگه‌ل دا گه‌هشتنه‌ هه‌ولێرا پایته‌خت و دگه‌ل سه‌رۆكێ لیژنه‌یا ئۆلۆمپییا كوردستانێ سه‌له‌ح خه‌سرۆ و رێڤه‌به‌رێ گشتی یێ وه‌رزشی ل حكوومه‌تا هه‌رێما كوردستانێ د.شاكر ئه‌حمه‌د سمۆ و ئه‌ندامێن لیژنه‌یا ئۆلۆمپی كۆمبوون، دڤێ كۆمبوونێ دا سه‌رۆكی لیژنه‌یا ئۆلۆمپییا كوردستانێ بخێرهاتنا وان كر و هیڤی خواست وه‌زاره‌تا وه‌رزش و لاوێن ئیراقێ دبه‌رنامه‌یێ خۆ یێ كابینا نوو یا حكوومه‌تا ئیراقێ دا خزمه‌تا جاده‌یا وه‌رزشی ل ئیراقێ و كوردستانێ بكه‌ت و په‌یوه‌ندیێن دوقۆلی دگه‌ل ئێك بهێزتر لێبكه‌ن، دیسان هیڤی خواست وه‌زاره‌تا وه‌رزش و لاوێن ئیراقێ وه‌كو هه‌موو یانه‌یێن دی یێن ئیراقێ بووچه‌یه‌كی بوو یانه‌یێن كوردستانێ و بێی جێوازی دابینبكه‌ت، ژبه‌ركو یانه‌یێن كوردستانی پشكدارییا خول و قاره‌مانیێن ئیراقێ دكه‌ن و دا بشێن بشێوه‌یه‌كێ باشتر پشكداربن و خواست ئه‌ڤچه‌نده‌ بچیته‌ دوارێ بجهـئینانێ دا، ژلایێ خۆڤه‌ عه‌بدولحسێن عه‌بدان دیاركر كو دێ بزاڤێ كه‌ن په‌یوه‌ندیێن نوو چێكه‌ن و ژێرخانه‌یا وه‌رزشی به‌ره‌ڤ پێشڤه‌ببه‌ن، بوو ڤێ یه‌كێ دێ پێنگاڤێن باش هه‌ڤێژین بۆ پێشئێخستنا وه‌رزشا كوردستانێ ب هه‌موو لایه‌نانڤه‌ و دیاركر كو یاریگه‌هـ و هۆلێن وه‌رزشی ل هه‌موو باژێرێن ئیراقێ دێ بۆ یانه‌یێن كوردستانێ دڤه‌كریبن، بهڤییا هندێ دكابینا نوویا حكوومه‌تا ئیراقێ بوو هه‌رێما كوردستانی زێده‌تر پشته‌ڤانییا بهێته‌كرن.

بابه‌تێن ب ڤێ مژارێ ڤه‌ گرێدای