وه‌زیرێ ساخله‌مییا ئیراقێ ده‌ست ژ كار كێشا

وه‌زیرێ ساخله‌مییا ئیراقێ ده‌ست ژ كار كێشا

WAAR-دهۆك:

وه‌زیرێ ساخله‌می و ژینگه‌ها ئیراقێ ده‌ست ژ كار كێشانا خوه‌ ئاراسته‌ی سه‌رۆكێ وه‌زیران كرییه‌ و تێدا دیاركرییه‌، ئه‌و ئێدی نه‌شێت رێ ل مایتێكرنا ئالیێن سیاسی بكه‌ت.
د. عه‌لائه‌ددین عه‌لوان وه‌زیرێ ساخله‌می و ژینگه‌ها ئیراقێ ده‌ست ژ كار كێشا و نامه‌یا ده‌ستكاركێشانێ ژی ئاراسته‌ی عادل عه‌بدهولمه‌هدی سه‌رۆك وه‌زیرێن ئیراقێ كر، ئه‌گه‌ر ژی بۆ مایتێكرنا هنده‌ك ئالیێن سیاسی و كه‌سێن ده‌رڤه‌ی وه‌زاره‌تێ د كارێ وه‌زاره‌تێ دا ڤه‌دگه‌ریت.
وه‌زیرێ ساخله‌میێ د نامه‌یا ده‌ست ژ كار كێشانا خوه‌ دا كو د چار به‌رپه‌ران دا نڤیسایه‌ و ل 9ی ئیلۆنێ ئاراسته‌ی عادل عه‌بدولمه‌هدی كرییه‌، ئاماژه‌ ب وان خزمه‌ت و چاكسازییان كرییه‌ كو ژ ده‌ما ده‌ستبكاربوونا وی وه‌ك وه‌زیرێ ساخله‌میێ ل سالا 2018 كرییه‌، هه‌روه‌ها ئه‌گه‌رێن ده‌ست ژ كار كێشانێ.
هه‌روه‌ها دیاركرییه‌، ژبه‌ر وێ زیانا ب ئه‌گه‌را چاكسازی و ریفۆرما د وه‌زاره‌تێ دا گه‌هشتییه‌ هنده‌ك كه‌سان، ئێدی مایتێكرن و فشارا ده‌ستێن ده‌ره‌كی و هنده‌ك ئالیێن سیاسی ل سه‌ر وان زێده‌بوویه‌، له‌ورا ئه‌و نه‌شێت زێده‌تر خوه‌ ل به‌ر وێ فشارا ده‌ره‌كی بگریت و به‌رده‌وامیێ بده‌ت.
هه‌ر ل گۆری نامه‌یا ده‌ست ژ كار كێشانێ، وه‌زیرێ ساخله‌میێ ب ئاشكرایێ خواستییه‌ ئه‌و ژ وێ به‌رپرسیارێ بهێت ئازا كر ژبه‌ركو شیانێن به‌رده‌وامیێ نینن.

بابه‌تێن ب ڤێ مژارێ ڤه‌ گرێدای