وه‌زیرێ‌ دارایی .. بۆ پێشڤه‌

كۆڤان حسێن

 

ئێك ژ كارێن هه‌ره‌ بالكێش و جهێ‌ هیڤییه‌كێ‌ بۆ چاكسازیێ و نه‌هێلانا (بێ‌ عه‌داله‌تیێ‌) ل كوردستانێ‌ كارنامه‌یا وه‌زیرێ‌ دارایی یه‌ بۆ چاكسازیێ‌ و ئه‌و خالێن وی دارشتین و به‌لاڤكرین و وه‌ك پێشنیار بۆ جڤاتا وه‌زیران بلند كرین، ئه‌ڤه‌ وه‌ك دیار جێبه‌جێكرنا په‌یاما سه‌رۆكێ‌ حوكمه‌تێ‌ یه‌ كو هه‌ر وه‌زیره‌ك ل وه‌زاره‌تا خوه‌ كارنامه‌كا چاكسازیێ‌ دیار بكه‌ت و وه‌ك ئه‌و بسپۆرییا وان هه‌ی ل وه‌زاره‌تێن خوه، دره‌نگ حوكمه‌تا كوردستانێ‌ ب هندێ‌ ئاگه‌هداربوو كو بێ‌ عه‌داله‌تیه‌كا مه‌زن ل ئاستێ‌ مووچه‌یان دا هه‌یه‌ ل كوردستانێ‌ و دره‌نگ ئاگه‌هدار بوو كو كۆژمه‌كێ‌ مه‌زنێ‌ سامانێ‌ نه‌ته‌وه‌یی ب خورایی دچیت! لێ‌ درنگ زانین باشتره‌ ژ نه‌زانینێ‌ یان ئینكاركرنا هه‌بوونا بێ‌ عه‌داله‌تیێ‌ ل ئاستێ‌ مووچه‌یان كو ژێده‌رێ‌ سه‌ره‌كیێ‌ ژیانا پرانیا خه‌لكێ‌ ڤی وه‌لاتیه‌، ب هه‌ر حالێ‌ هه‌ی ئه‌ڤ كارنامه‌یا وه‌زیرێ‌ دارایی په‌یامه‌كا دلخۆشكه‌ره‌ و هیڤییه‌كه‌ بۆ پرۆژه‌كێ‌ به‌رفر‌هتر ل چاكسازیێ‌ ل وه‌لاتێ‌ مه‌، وه‌زیرێ‌ دارایی هێژای ده‌ستخۆشیێ‌ یه‌ لڤی كاری و پێدڤییه‌ رایه‌كا گشتی ب ئازرینیت ل ئاستێ‌ كوردستانێ‌ گڤاشتنێ‌ ل جڤاتا وه‌زیران بكه‌ن ڤى‌ كارنامه‌ى په‌سه‌ند بكه‌ن و ل وه‌زاره‌تێن دی ژی ئه‌ڤ كاره‌ بهێته‌كرن، راستڤه‌كرنا مووچه‌یان و كێمكرنا هنده‌كان و زێده‌كرنا هنده‌كێن دی، دبیت ده‌ستپێكه‌ك بیت بۆ كێمكرنا بیاڤێ‌ جوداهى و نه‌عه‌داله‌تیێ‌ ل ئاست گۆزه‌رانا وه‌لاتیێن كوردستانێ‌.

بابه‌تێن ب ڤێ مژارێ ڤه‌ گرێدای