وه‌زیرا به‌رگرییا ئه‌لمانیا ل هه‌رێما كوردستانێ یه‌

وه‌زیرا به‌رگرییا ئه‌لمانیا ل هه‌رێما كوردستانێ یه‌

WAAR-دهوك:

وه‌زیرا به‌رگرییا ئه‌لمانیا شڤێدی ب سه‌ره‌دانه‌كا فه‌رمی گه‌هشت هه‌ولێرێ و ئه‌ڤرۆ دێ دگه‌ل وه‌زیرێ پێشمه‌رگه‌ی كۆمببیت و سه‌ره‌دانا وان بنگه‌هان ژی كه‌ت كو شیره‌تكارێن ئه‌لمان لێ نه‌.
ئانگریت کرامپ وه‌زیرا به‌رگرییا ئه‌لمانیا شڤێدی دگه‌ل شانده‌كی گه‌هشت هه‌ولێرا پایته‌خت و ژ ئالیێ به‌رپرسێ په‌یوه‌ندیێن ده‌رڤه‌ یێن هه‌رێمێ و نوونه‌رێ حكومه‌تا هه‌رێمێ ل ئه‌لمانیا پێشوازی لێ هات كرن.
ل گۆری زانیاریێن وار، وه‌زیرا به‌رگرییا ئه‌لمانیا ئه‌ڤرۆ دێ دگه‌ل وه‌زیرێ پێشمه‌رگه‌ی و فه‌رماندارێن سه‌ربازی كۆم بیت، هه‌روه‌ها دێ سه‌ره‌دانا وان بنگه‌هان ژی كه‌ت كو شیره‌تكارێن ئه‌لمان مه‌شقا هێزێن پێشمه‌رگه‌ی تێدا دكه‌ن.
وه‌زیرا به‌رگرییا ئه‌لمانی دوهی سه‌ره‌دانا به‌غدا كر و دگه‌ل سه‌رۆكوه‌زیرێن ئیراقێ، سه‌رۆكێ په‌رله‌مانی و وه‌زیرێ به‌رگریا به‌رگرییا په‌یوه‌ندیێن دوقۆلی گۆتوبێژ كربوون.
ئه‌لمانیا ئه‌نداما هه‌ڤپه‌یمانییا نێڤده‌وله‌تییا دژی داعشێ یه‌، رۆله‌كێ چالاك د هه‌ڤپه‌یمانیێ دا هه‌یه‌ و ب یه‌ك ژ دۆست و پشته‌ڤان بۆ هه‌رێما كوردستانێ دهێته‌ هه‌ژمارتن و ژ وه‌لاتێن ئێكێ بوو هاریكارییا هێزێن پێشمه‌رگه‌ی ب چه‌ك و مه‌شقان د شه‌رێ دژی تیرۆرێ دا كری.

بابه‌تێن ب ڤێ مژارێ ڤه‌ گرێدای