وه‌زاره‌تا ڤه‌گۆهاستن و گه‌هاندنێ یا حكومه‌تا هه‌رێمێ سه‌باره‌ت گرانكرنا كارتێن مۆبایلێ رونكرنه‌ك به‌لاڤكر

وه‌زاره‌تا ڤه‌گۆهاستن و گه‌هاندنێ یا حكومه‌تا هه‌رێمێ سه‌باره‌ت گرانكرنا كارتێن مۆبایلێ رونكرنه‌ك به‌لاڤكر

وار – دهۆك :

پشتی ل ڤێ داوییێ دنگۆیێ گرانبوونا بهایێن كارتێن مۆبایلان به‌لاڤبوویی، وه‌زاره‌تێ ڤه‌گۆهاستنا هه‌رێمێ ده‌رباره‌یی ڤێ یه‌كێ روهنكرنه‌ك به‌لاڤكر.
وه‌زاره‌تا ڤه‌گۆهاستن و گه‌هاندنێ یا حكومه‌تا هه‌رێمێ سه‌باره‌ت گرانبوونا بهایێن كارتێن مۆبایلان روهنكرنه‌ك به‌لاڤكر و تێدا هاتییه‌؛ هه‌رسێ كۆمپانییێن گه‌هاندنێ “كۆره‌ك تلیكۆم و ئاسیا سێل و زه‌ین” ل سه‌رتاسه‌ری ئیراقێ و ل هه‌می باژاران به‌ربلاڤن و ل هه‌رێمێ ژی كاری دكه‌ن، له‌و مۆله‌تا كاركرنێ ژ ئالییێ حكومه‌تا ئیراقێ یه‌ و ل گۆر ده‌سته‌یا راگه‌هاندنێ “سی ئێم سی” كاردكه‌ن و بریار و رێنمایێن وێ ده‌سته‌ییێ جێبجێ دكه‌ن.
هه‌روه‌سا د به‌یاننامه‌یا وه‌زاره‌تێ دا هاتییه‌؛ ئه‌و ده‌سته‌یه‌ به‌رپرسه‌ ژ كارێن وان هه‌رسێ كۆمپانییا و كارێن ئیداری و هونه‌رێ و دارایی یێن وان، ب رێڤه‌ دبه‌ن و چ په‌یوه‌ندییا وه‌زاره‌تا ڤه‌گۆهاستن و گه‌هاندنا هه‌رێمێ پێڤه‌ نینه‌.
وه‌زاره‌تا ڤه‌گۆهاستن و گه‌هاندنا حكومه‌تا هه‌رێمێ ئاشكه‌را ژی كرییه‌؛ بریارا گرانكرنا كارتێن پركرنا به‌لانسێ مۆبایلێ، بریارا وان نینه‌ و ئه‌و بریاره‌ ژ به‌غدا ده‌ركه‌فتییه‌، ئه‌و هه‌رسێ كۆمپانییه‌ ل هه‌می باژارێن ئیراقێ وێ فه‌رمانێ دێ جێبجێكه‌ن، له‌و هه‌رێم ژی دی جێبجێ كه‌ت.
ل گۆر مادده‌یا 33 یا یاسایا بوودجه‌یا ئیراقێ یا سالا 2015ێ، ب رێژه‌یا ژ سه‌دێ 20 باج دانایه‌ سه‌ر كارتێن مۆبایل و ئه‌نترنێتێ و د نها دا ئه‌و بریاره‌ چوویه‌ د بیاڤێ جێبجێكرنێ دا، ل گۆر وی مادده‌یێ هه‌رێم ژی، دێ وێ بریارێ جێبجێكه‌ت

بابه‌تێن ب ڤێ مژارێ ڤه‌ گرێدای