وه‌زاره‌تا پێشمه‌رگه‌ی داخوازییه‌كا بله‌ز ژ ئه‌مریكا كر

وه‌زاره‌تا پێشمه‌رگه‌ی داخوازییه‌كا بله‌ز ژ ئه‌مریكا كر

WAAR-دهۆك:

وه‌زاره‌تا پێشمه‌رگه‌ی داخواز ژ ئه‌مریكا كر رێ ل هه‌ر پێشهاته‌كا نه‌خوازیار بگریت یاكو ببیته‌ سه‌ده‌مێ تێكچوونا ره‌وشێ.
وه‌زاره‌تا پێشمه‌رگه‌ی د راگه‌هاندنه‌كێ دا ئاشكه‌را كر: سه‌ربه‌ست له‌زگین بریكارێ وه‌زاره‌تا پێشمه‌رگه‌ی و كین كرووز كۆنسۆلێ ئه‌مریكا ل هه‌رێما كوردستانێ ل دۆر هێلێن ته‌ماس یێن د ناڤبه‌را هێزێن پێشمه‌رگه‌ی هێزێن ئیراقێ دا هه‌روه‌سا هه‌ماهه‌نگییا د ناڤبه‌را پێشمه‌رگه‌ی و سوپایێ ئه‌مریكا دا كۆمبوون.
لگۆر راگه‌هاندنێ، برێكارێ وه‌زاره‌تا پێشمه‌رگه‌ی راگه‌هاند: هێزێن ئیراقێ ل نێزیك سه‌نگه‌رێن پێشمه‌رگه‌ی ل شنگالێ، باكۆرێ مووسلێ و باشۆرێ كه‌ركووكێ ژی لڤینێن سه‌ربازی كرینه‌ و نیازپاكی د وان لڤینان دا ناهێته‌ دیتن.
هه‌روه‌سا داخواز ژ كۆنسۆلێ ئه‌مریكا كر، رێ ل هه‌ر پێشهاته‌كا نه‌خوازیار بگرن یاكو ببیته‌ سه‌ده‌مێ تێكچوونا ره‌وشێ، د هه‌مبه‌ر ژی دا كۆنسۆلێ ئه‌مریكا دیاركر: ئه‌و ژ نێزیك هایدارێ ره‌وشێ نه‌ و داخواز ژی كر هه‌مو ئالی ل سه‌ر خوه‌بن و رێنه‌ده‌ن روودانێن نه‌خوازییار رووبده‌ن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.