وه‌زاره‌تا پلاندانا ئیراقێ: زیانا كریارێن تیرۆرستی 36 ترلیۆن دینار بوویه‌

وه‌زاره‌تا پلاندانا ئیراقێ: زیانا كریارێن تیرۆرستی  36 ترلیۆن دینار بوویه‌

وار-دهوك:

وه‌زاره‌تا پلاندانا ئیراقێ راگه‌هاند؛ د ده‌ما 12 سالێن بۆری دا، كریارێن تیرۆرستی زیان ب قه‌باره‌یێ 36 ترلیۆن دیناران، گه‌هاندییه‌ ئیراقێ
سه‌لمان ئه‌ل جومه‌یلی، ئه‌ڤرۆ د به‌یانه‌كێ دا ئاشكه‌را كر، ژ سالا 2004ێ  تا ئه‌ڤ ساله‌، ب 36 ترلیۆن دینارێن ئیراقێ زه‌ره‌ و زیان ب ئه‌گه‌را هێرش و كریارێن تیرۆرستی ب ژێرخانه‌یا ئیراقێ و باژاڕێن وێ كه‌فتییه‌.
گۆت ژی: پارێزگه‌ها ئه‌نبار ل رێزا ئێكێ هاتییه‌ كو مه‌زنترین قه‌باره‌یێ زیانێ ب به‌ر كه‌فتییه‌ و تایبه‌ت پشتی هاتنا تیرۆرستێن داعشێ.
گۆت ژی: ئه‌ڤ زیانه‌ تنێ یا داموده‌زگه‌هـێن حكومه‌تێ و ده‌وله‌تێ نه‌، زیانێن مولك و مالێ وه‌لاتییان ژی ل خوه‌ ناگریت.
وه‌زیرێ پلاندانا ئیراقێ ئه‌و چه‌نده‌ راگه‌هاند و خواست، كۆنگره‌یه‌كا نێڤده‌وله‌تی بۆ ئاڤه‌دانكرنا ده‌ڤه‌رێن نوو رزگار كریێن ئیراقێ بهێته‌ گرێدان.

بابه‌تێن ب ڤێ مژارێ ڤه‌ گرێدای