وه‌زاره‌تا ساخله‌میێ‌ بۆ وار : 13 كه‌س ل كوردستانێ‌ تووشی ئێدزێ بووینه‌

وه‌زاره‌تا ساخله‌میێ‌ بۆ وار : 13 كه‌س  ل كوردستانێ‌ تووشی ئێدزێ بووینه‌

وار – ره‌مه‌زان هه‌رنی :

په‌یڤدارێ‌ وه‌زاره‌تا ساخله‌مییا حوكمه‌تا هه‌رێما كوردستانێ‌ بۆ وار راگه‌هاند، ژ ده‌ستپێكا ئیسال تا نها 13 كه‌س ل كوردستانێ‌ تووشی نه‌خۆشییا ئیدزێ‌ بووینه‌ و دوپاتكر، پڕانییا وان تووشبوویان ژی بیانی نه‌.
د. خالص قادر بۆ وار گۆت: “ل ده‌ستپێكا ئیسال تا نها 13 حاله‌تێن تووشبوون ب نه‌خۆشیا ئیدزێ ل كوردستانێ هاتینه‌ تۆماركرن و ژ وانا ژى 4 كوردن خه‌لكێ‌ هه‌رێما كوردستانێ‌ نه ‌و ئه‌وێن دی بیانی نه”‌.
هه‌روه‌سا ئاشكراكر، ئه‌وێن بیانی هاتینه‌ ره‌وانه‌كرن بۆ وه‌لاتێن وان ل ده‌ما زڤڕینێ‌ بۆ كوردستانێ‌ دێ‌ پشكنین بۆ هێنه‌ كرن پاشى دێ‌ هێنه‌ ناڤ كوردستانێ‌ هه‌روه‌سا ئه‌وێن كورد ژی یێن هه‌موو پارێزگه‌هێن هه‌رێمێ‌ نه ‌و پشتی چاڤدێرییه‌كا هوور بۆ مالێن وان هاتییه‌ ره‌وانه‌كرن.
كێمییا رێژه‌یا نه‌خۆشییا ئیدزێ بۆ نه‌بوونا جهێن له‌شفرۆشیێ ڤه‌دگه‌ڕیت و پڕانییا وان نه‌خۆشێن تووشى ئیدزێ بووین ئه‌گه‌ر مادده‌یێن بێهۆشكه‌ر بووینه‌.
قادر خویاكر ژى، رێژه‌یا هاتییه‌ تۆماركرن دگه‌ل پار سال وه‌ك ئێكه‌ ب تنێ‌ رێژه‌یا كوردان زێده‌كریه‌ كو ل سالا 2014 ێ‌ 14 حاله‌ت هاتبوون تۆماركرن و 2 ژ وان كورد بوون ئیسال 13 هاتینه‌ تۆماركرن و 4 كوردن.

بابه‌تێن ب ڤێ مژارێ ڤه‌ گرێدای