وه‌زاره‌تا دارایی: سوبه‌ نیڤ بودجه‌یا هه‌رێما كوردستانێ دێ ژ به‌غدایێ گه‌هیت

وار – دهۆک :

بڕیاره‌ سوبه رۆژا ئه‌ینی‌ 508 ملیار و 815 ملیۆن دینار وه‌كو بودجه‌یا مه‌ها گولانێ ژ به‌غدایێ بگه‌هنه‌ هه‌ولێرێ، پشتی ل ڤێ هه‌فتیێ ئه‌و گوژمه‌یێ پاره‌ی بۆ سه‌ر حسابا بانكییا حوكمه‌تا هه‌رێما كوردستانێ هاتییه‌ ڤه‌گوهاستن.
وه‌زاره‌تا دارایییا حوكمه‌تا هه‌رێما كوردستانێ راگه‌هاند؛ پشتی سوبه‌ پاره‌ دگه‌هیته‌ كوردستانێ ل ناڤه‌راستا هه‌فتییا بهێت دێ ده‌ست ب به‌لاڤكرنا مووچه‌یێ مه‌ها چوار كه‌ن و ئێكه‌م وه‌زاره‌ت ژی دێ وه‌زاره‌تا پێشمه‌رگه‌ی بیت مووچه‌ی وه‌ربگریت.
داراییا هه‌رێمێ دیاركر، دێ هه‌موو بزاڤان كه‌ن به‌ری ره‌مه‌زانێ مووچه‌یێ هه‌موو وه‌زاره‌تان بهێته‌ دان.
حكومه‌تا هه‌رێما كوردستانێ دایه‌ زانین، لگۆر قانوونا بودجه‌یا 2015 ێ، پێدڤییه‌ به‌غدا مه‌هانه‌ ترلیۆنه‌ك و 200 ملیار دیناران بهنێریت، لێ ده‌ما پێنج مه‌هانه‌ كێمتر ژ نیڤا بودجه‌یا كوردستانێ بۆ دهێته‌ هنارتن.
هاتییه‌ ژی: لدو مه‌هێن بۆری، هه‌رێمێ پتری 550 هزار به‌رمیلان ب رێیا سۆمۆ ره‌وانه‌ كرینه،‌ لێ به‌غدا بهنارتنا به‌هرا هه‌رێما كوردستانێ ژ بودجه‌یا گشتی پابه‌ند نه‌بوویه‌.

بابه‌تێن ب ڤێ مژارێ ڤه‌ گرێدای