وه‌زاره‌تا دارایی بۆ وار: ل نێزیك دێ قه‌یرانا دارایی چاره‌سه‌ربیت

وه‌زاره‌تا دارایی بۆ وار: ل نێزیك دێ قه‌یرانا دارایی چاره‌سه‌ربیت

وار – كاوه‌ ئالیخان :

وه‌زاره‌تا داراییا هه‌رێمێ رادگه‌هینیت؛ ئه‌و ب ئومێدێن پشتى 490 ملیار دینار ژ به‌غدایێ هاتینه‌ ره‌وانه‌كرن، ل داهاتییه‌كێ نێزیك قه‌یرانا دارایی بهێته‌ چاره‌سه‌ركرن.

ل دوشه‌مبییا بۆرى وه‌زاره‌تا داراییا ئیراقێ 490 ملیار دینار بۆ مووچه‌یێ فه‌رمانبه‌رێن هه‌رێمێ هنارتن، پێشتر ژى هه‌رێمێ راگه‌هاندبوو، بۆ مووچه‌یێ مه‌هه‌كا فه‌رمانبه‌رێن خوه‌ وان پێدڤى ب 850 ملیار دینارانه.

ئه‌حمه‌د عه‌بدولره‌حمان په‌یڤدارێ وه‌زاره‌تا داراییا هه‌رێمێ بۆ وار دیاركر، تا نها مووچه‌یێ چه‌ندین وه‌زاره‌ت و ده‌سته‌یان یێ مه‌ها ئێك هاتیه‌ پارڤه‌كرن، لێ چو ژ ڤان ب دوماهئینانا مووچه‌یێ مه‌ها ئێك دیارنه‌كرن.

هه‌روه‌سا گۆت: “لدووڤ وی پاره‌یێ به‌غدایێ هنارتى پێشبینى دكه‌ین ل داهاته‌كێ نێزیك قه‌یرانا داریى چاره‌سه‌ربیت”.

لدووڤ هنده‌ك ژێده‌ران ئه‌گه‌رێن نه‌هاتنا قه‌رێن ژ توركیا هاتینه‌ كرن كو به‌غدا رێگر بیت، په‌یڤدارێ وه‌زاره‌تا داراییا هه‌رێمێ ره‌تنه‌كر كو ئه‌گه‌ر به‌غدا بیت،گۆت: “هه‌ر ده‌ما گه‌هشتن دێ راگه‌هینن”.

بابه‌تێن ب ڤێ مژارێ ڤه‌ گرێدای