وه‌به‌رهێنه‌رێن عه‌ره‌ب 25%ێ ژ ریكلامێن سه‌ر درێسێن یاریكه‌رێن خولێن ئه‌وروپى كرینه‌

وه‌به‌رهێنه‌رێن عه‌ره‌ب 25%ێ ژ ریكلامێن سه‌ر درێسێن یاریكه‌رێن خولێن ئه‌وروپى كرینه‌

وار – دهۆک :

وه‌به‌رهێنه‌رێن عه‌ره‌ب 25 ژ سه‌دێ ریكلامێن سه‌ر دریسێن یاریكه‌رێن یانه‌یێن وه‌رزشى یێن ئۆرۆپى كڕینه‌.
گروپا لێكولینێن تایبه‌ت ب بازارێ وه‌رزشى ریبوكوم د نووترین لێكولینا خوه‌ دا دیاركرییه‌، وه‌به‌رهێنه‌رێن عه‌ره‌ب 25 ژ سه‌دێ ژ ریكلامێن سه‌ر درێسێن یاریكه‌رێن ئۆرۆپى د 6 مه‌زنترین خۆلێن وى كیشوه‌رى دا كڕینه‌.
ئه‌ڤ ساله‌ داهاتێ ریكلامێن یانه‌یێن وه‌رزشى 20 ژ سه‌دێ زێده‌بوویه‌ و گه‌هشتییه زێده‌ترى‌ 777 ملیۆن دۆلاران.
كومپانیێن ئیماراتى و قه‌ته‌رى زێده‌ترى 160 ملیۆن یۆرۆ دڤى كارى دا خه‌رجكرینه‌، كو دبیته‌ 25 ژ سه‌دێ ژ داهاتێ خۆلێن ئۆرۆپى.
لگۆر ریبوكوم كومپانیێن ئیماراتى مه‌زنترین پاره‌ د كرینا ریكلامێن سه‌ر درێسێن یاریكه‌رێن ئۆرۆپى خه‌رجكرینه‌ و پشتى وێ كومپانیێن ئه‌لمانى دهێن ب 112 ملیۆن یۆرۆیان و هه‌روه‌سا یێن ئه‌مریكى ب 82 ملیۆن یۆرۆیان.
گرانترین ریكلام ژى ل سه‌ر جلكێن یانه‌یا مانشستر یونایتد یا ئینگلیزییه‌ و گرێبه‌سته‌ك دگه‌ل كومپانییا جه‌نه‌رال موتورز گرێدایه‌ بۆ هه‌فت سالان ب بهایێ 559 ملیۆن دۆلاران.
كومپانییا فرۆكه‌ڤانییا قه‌ته‌رژى ب بهایێ 30 ملیۆن یۆرۆ یان ئارمێ خوه‌ ل سه‌ر دریێسێن یانه‌یا به‌رشه‌لۆنه‌ یا ئیسپانى دانایه‌ بۆ ده‌مێ ئێك وه‌رز ب تنێ.

بابه‌تێن ب ڤێ مژارێ ڤه‌ گرێدای