هەلەبجە دناڤبەرا هەرێمێ و بەغدا دا

هوزان عەبدوللا

٣١ سال ب سەر کارەساتا کیمیا بارانا هەلەبجە دا دەربازدبن و تا نها چ حکومەتێن پشتی نەمانا رژێما بەعس کو حوکم گرتیە دەست ئامادەنووبینە داخوازا لێبورینێ ب گشتی ژ ملەتێ کورد بکەن ل هەمبەر وان تاوانێن ب سەرێ وان ئیناین و ب تایبەت هەلەبجەییان .

پشتی نەمانا رژێما بەعس یا کو ب درێژیا مێژوویێ کارەساتێن مەزن مینا کۆمکوژی، ئەنفالکرن، بەرزەکرن، کیمیاباران ب سەرێ ملەتێ کوردا ئیناین، چاڤ هەموو ل هندێ بوون حکومەتێن نوو دهێنە سەر دەستەلاتێ داخوازا لێبوورینێ ژ کوردان بکەن و کەسوکارێن قوربانیان بهێن قەرەبووکرن، لێ پشتی 15 سالان ژ دامەزراندنا حکومەتێن ب ناڤ دیموکراتی و پاراستنا پیکەژیانێن و براتیێ چ پینگاڤێن جدی ژ بۆ ڤێ چەندێ نەهاتینە هاڤێتن.

هەلەبجە ب گیانێ خوە، ئاخا خوە، بوویە قوربانیا دەستێ رژێما بەعس، یا گرنگ پشتی 15 سالان ژ نەمانا رژێمێ لێ حکومەتێن نی هاتی چ پێنگاڤێن مادی و مەعنەوی ل هەمبەر خەلکێ ڤی باژاری نەهاڤێتینە، د دەمەکی دا ئەرکێ سەرەکی ل سەر ملێن وێیە.

پەرلەمانێ هەرێما کوردستانێ ل سالا ١٩٩٩ یاسایەک بۆ پارێزگەهبوونا هەلەبجە دەرخست، هەرچەندە ئەڤ بریارا ل سالا ٢٠١٣ ژ لایێ جڤاتا وەزیرێن ئیراقی ڤە ب پرانیا دەنگان هاتیە پەسەندکرن و بۆ پەرلەمانێ ئیراقێ هاتیە هنارتن، لێ ل پەرلەمانی تا نها نە ئێخستیە د بەرنامەیێ کاری دا، ب هێجەتا هندێ کو دێ دەرڤەرداریێن دی یێن ئیراقی ژی داخوازا پاریزگەهبوونا خوە کەن، د دەمەکی دا ئەڤە بێ بهاترین و نە مەعقولترین بهانەیە وان کریە ئاستانگ ل هەمبەر پاریزگەهبوونا هەلەبجە ب فعلی و خزمەتکرنا وی باژاری کو ئەرکە نەک منەتە.

ل ئادارا سالا ٢٠١٤ نێچیرڤان بارزانی ئیمزا ل سەر بریارا پارێزگەهبوونا هەلەبجە کر ود ئەڤ سالەدا بریاردا ل سەر تابلویێن ترومبێلێن وی باژاری ناڤێ هەلەبجە بهێتە نڤیسین کو پێنگاڤن بۆ پتر خزمەتکرنا وی باژاری.

دگەل نەمانا گیانێ پتری 5 هزار وەلاتیان و ب هزاران کەسێن دی تا نها ژ برین و ئێشان د نالن و پیدڤی ب چارەسەریێنە و بەرزەبوونا ب دەهان زاروکێن دی کو نها ل وەلاتێ ئیرانێ نە، پیدڤی ب ڤەگەریانێن نە لێ دڤێت ڤێ پێنگاڤێ حکومەتا بەغدا بهاڤێژیت لێ تەمام بێ دەنگە.

ئەو پێنگاڤێن تا نها ژ لایێ حکومەتا هەرێمێ ڤە هاتینە هاڤێتن ب رەنگەکی بووینە دەرمانەک بۆ برینێن وان لێ دڤێت پتر گڤاشان بێخیتە سەر بەغدا کو د دەمەکێ نزیک دا ب مادی و مەعنەوی قەرەبوویا خەلکێ زیانڤێکەفتیێ هەلەبجە بدەن و کار بو جینۆسایدناساندنا وێ زێدەتر بهێتە کرن.

 

 

 

بابه‌تێن ب ڤێ مژارێ ڤه‌ گرێدای