هەشت رێیێن رۆمانسی و بهێز بۆ ده‌ربڕینا حه‌زژێكرنێ

هەشت رێیێن رۆمانسی و بهێز بۆ ده‌ربڕینا حه‌زژێكرنێ

Capture

وار – دهۆک :

1ــ گول:
هه‌لبژارتنا گولێ رۆله‌كێ كاریگه‌ر و باش د‌بینیت بۆ ده‌بڕینا ڤیان حه‌زژێكرنێ بۆ هه‌ڤژین و خوه‌شتڤییان. ب تایبه‌تی هه‌كه‌ر ئه‌و گوله‌ یا سوور بیت یان ب ئاوایێ دلى بیت،‌ ئه‌ڤجا ژبه‌ر ڤێ ئێكێ هه‌ڤژین و ئه‌ڤیندارێن كو دخوازن؛ ڤیان و حه‌زژێكرنا خوه‌ پتر بۆ ئێكدو ده‌رببڕن و دیاربكه‌ن، یا باش ئه‌وه‌ ڤێ رێیێ ژى تاقى بكه‌ن و تامه‌كێ زێده‌تر ژ ڤیان و په‌یوه‌ندییا خوه‌ ببینن.
2ــ دیارییه‌كا گونجاى:
د شیان دا دیارییه‌كا بچووك ژى بیت بۆ ده‌بڕینا هه‌ستێ ڤیانێ بۆ ئالیێ به‌رانبه‌ر، ئه‌و ژى وه‌كو بێهنه‌ك یان هه‌ تشته‌كێ دى، ژبه‌ركو د په‌یوه‌ندییا حه‌زژێكرنێ دا، هه‌ر ده‌ما كه‌سه‌ك دیارییه‌كێ بۆ خوه‌شتڤى یان ئه‌ڤیندارا/ێ خوه‌ دبه‌ت، ئه‌و د چاڤێ ئالیێ به‌رانبه‌ر دا مه‌زنتر لێ دهێت و پتر نێزیكى ئێكدو دبن.
3ــ وێنه‌:
دانانا وێنه‌یه‌كێ هه‌وه‌ هه‌ر دو یان پێكڤه‌ د ناڤ قاپه‌كى دا و پاشان وى وێنه‌ى پێشكێشى ئه‌ڤیندار یان هه‌ڤژینا/ێ خوه‌ بكه‌ى، دلێ وى/وێ دێ گه‌له‌ك خوه‌ش كه‌ت و دێ زانیت كو تو هه‌ر ده‌ما ل بیرا وى،وێ یى، له‌و تاقیكرنا وێ رێیا ب ساناهى ژى كاریگه‌رییه‌كا باش دێ لسه‌ر په‌یوه‌ندییا هه‌وه‌ هه‌بیت.
4ــ لبه‌ركرنا جلێن گونجاى:
د هه‌ر هه‌لكه‌ڤت یان بیرهاتنه‌كێ دا، بۆ هه‌ڤژین یان ئه‌ڤیندارا/ێ ته‌ گرنگه‌ كو جله‌كێ جوان و بالكێش نوو یان ئه‌و ستایلێ ئه‌و ژێ حه‌زدكه‌ت لبه‌ر خوه‌ بكه‌ت، ژبه‌ركو ب وى كارى دێ پتر تام و خوه‌شیێ ژ وێ هه‌لكه‌ڤتێ بینن.
5ــ داخوزكرنا هه‌ڤالێن وێ/وى:
هه‌كه‌ر هه‌ڤژینا/ێ ته‌ دوست و هه‌ڤالێن نێزیك هه‌نه‌ و هه‌كه‌ر د شیان دا بیت وان ل جهه‌كى پێكڤه‌ كۆمبكه‌ و هه‌ر د وێ جڤاتێ دا و لبه‌ر چاڤێن هه‌ڤالێن وێ/وى، ڤیان و حه‌زژێكرنا خوه‌ بۆ هه‌ڤژینا/ێ خوه‌ ده‌رببڕه‌، داكو ئه‌و هه‌ڤالێن وێ/وى ژى بزانن كو ئه‌و خوه‌دى هه‌ڤژینه‌ك هێژا و مه‌زنه‌.
6ــ ئاخڤتنێن رۆن و ئاشكرا:
هه‌لبژارتنا په‌یڤێن جوان، د وان ده‌مان دا كو هوون پێكڤه‌نه‌ و د گه‌ل ئێكدو دا دئاخڤن، ئاماژه‌یا وێ ئێكێنه‌ كو هه‌ڤژین یان ئه‌ڤیندارا/ێ ته‌ د ژیانا ته‌ دا گه‌له‌ك گرنگه‌.
7ــ ده‌م:
ده‌ربڕینا ڤیان و حه‌زژێكرنێ د ده‌مه‌كى دا كو ئه‌و ده‌مه‌ لده‌ف هه‌ڤژین یان ئه‌ڤیندارا/ێ ته‌ ژنیشكه‌كێ ڤه‌ بیت، ئانكو وه‌كو سۆپرایزه‌كێ بیت، وێ ئێكێ دێ گه‌له‌ك كارڤه‌دانا ئه‌رێنى لسه‌ر حه‌زژێكرنا هه‌وه‌ هه‌بیت، له‌و یا باشه‌ ڤێ رێیێ ژى بكاربینن.
8ـ پێكڤه‌ پشكداربوون:
د هه‌ر هه‌لكه‌ڤت و ئاهه‌نگه‌كێ دا هوون هه‌ر دو پێكڤه‌ پشكداربن یان شه‌ڤان پێكڤه‌ بچنه‌ جهه‌كى، ئه‌ڤ ئێكه‌ دێ دلێ هه‌ڤژینا ته‌ خوه‌ش كه‌ت و ئه‌و ده‌مێ هوون پێكڤه‌ ده‌ردكه‌ڤن؛ دێ بۆ هه‌وه‌ ده‌مه‌كێ خوه‌ش و ب تام بیت.

بابه‌تێن ب ڤێ مژارێ ڤه‌ گرێدای