هەسەدە: د 24 سعەتێن بووری دا 42 شەرڤان بوونە قوربانی

هەسەدە: د 24 سعەتێن بووری دا 42 شەرڤان بوونە قوربانی

WAAR-دهۆك:

هەسەدێ ئامارا بیست و چوار سعەتێن بووری یێن شەر و پەڤچوونێن پشتی راگەهاندنا ئاگربەستا رۆژئاڤایێ کوردستانێ راگەهاند و دا زانین: چل و دو شەرڤان بووینە قوربانی.
ل گۆرەی ئامارا هێزێن سووریایا دیمۆکراتیک، هەسەدێ، د بیست و چوار سعەتێن بووری دا پشتی ب ناڤ ئاگربەستا ل رۆژئاڤایێ کوردستانێ هاتی راگەهاند، هەژدە چەکدارێن میلیشیایێن ئۆپۆزسیۆنا سووری یا سەر ب تورکیا ڤە و هەژمارەکا دی یا سەربازێن تورکیا ژ ئالییێ شەرڤانان ڤە هاتینە کوشتن.
هەسەدێ دایە زانین ژی: د شەر و پەڤچوونێن بیست و چوار سعەتێن بووری دا بیست و پێنج شەرڤانان ژیانا خوە ژ دەست دایە، هەڤدە ژی بریندار بوویە.
ئەڤ ئامارا قوربانییان د دەمەکی دا یە، کو ئاگربەست هاتییە راگەهاندن، لێ ل قامشلۆ، تل تەمر، کۆبانێ و ب تایبەت ل سەرێ کانییێ تورکیا و چەکدارێن ب سەر وێ ڤە بەردەوام ئاگربەست بنپێ کرییە.

بابه‌تێن ب ڤێ مژارێ ڤه‌ گرێدای