هێزێن سیاسی گۆتوبێژا ده‌ربازكرنا قانوونێن گرنگ دكه‌ن

هێزێن سیاسی گۆتوبێژا ده‌ربازكرنا قانوونێن گرنگ دكه‌ن

WAAR-دھۆك:

په‌رله‌مانێ ئیراقێ ب نیازه‌ د وه‌رزێ نوو یێ یاسادانانێ دا، گۆتوبێژا هه‌ژماره‌كا دۆسیێن گرنگ بكه‌ت، ژ وان نه‌فت و غاز و مادده‌یا سه‌دێ و چلێ.
هه‌ڤپه‌یمانییا چاكسازی راگه‌هاند؛ ل رۆژێن جه‌ژنێ، سه‌ركرده‌یێن هه‌ڤپه‌یمانییان وان و هه‌ڤپه‌یمانییان فه‌تح كۆمبووینه‌ و گۆتوبێژا وان پرۆژه‌قانوونان كرینه‌ كو بریاره‌ د وه‌رزێ نوو یێ یاسادانانێ دا كار بۆ ده‌ربازكرنا وان بهێت كرن.
دا زانین، هه‌ر یه‌ك ژ پرۆژه‌ قانوونێن نه‌فت و غازێ، دادگه‌ها فیدرال و مادده‌یا سه‌د و چل و هه‌روه‌ها پرۆژه‌یا ب ده‌ست خستنا پارێ نه‌شه‌رعی، ل وه‌رزێ بهێت یێ یاسادانانێ دێ ل په‌رله‌مانی هێن گۆتوبێژ كرن.
هه‌ڤپه‌یمانیێن چاكسازی و فه‌تح د گۆتوبێژێن خوه‌ دا، ب پێدڤی ژی زانینه‌، په‌رله‌مان ب كارێ خوه‌ رابیت و لێپرسینا دگه‌ل وه‌زیرێن حكومه‌تا عادل عه‌بدولمه‌هدی ده‌ست پێ بكه‌ت.
په‌رله‌مانێ ئیراقێ نها د بهێنڤه‌دانا وه‌رزێ یاسادانێ یه‌ و بریارا ل سێ یێ ئیلۆنا ئه‌ڤساله‌ جاره‌كا دی ده‌ست ب روونشتنێن خوه‌ بكه‌ته‌ڤه‌.

بابه‌تێن ب ڤێ مژارێ ڤه‌ گرێدای