هێزێن ئیراقی چاڤه‌ڕێی سات سفرا هێرشا سه‌ر فه‌للۆجه‌ و ره‌مادی دكه‌ن

هێزێن ئیراقی چاڤه‌ڕێی سات سفرا هێرشا سه‌ر فه‌للۆجه‌ و ره‌مادی دكه‌ن

وار – دهۆک :

وه‌زاره‌تا به‌رگرییا ئیراقێ راگه‌هاند؛ سوپایێ ئیراقی، ده‌وروبه‌رێن باژاڕێن فه‌للۆجه‌ و ره‌ماددی دۆرپێچكرینه‌ و ل ژڤانا سات سفر یا ده‌ستپێكرنا هێرشا ڤه‌گه‌ڕاندنا وانه‌ ژ ده‌ستێ تیرۆرستێن داعشێ.
په‌یڤدارێ وه‌زاره‌تا به‌رگرییا ئیراقێ، عه‌مید یه‌حیا ره‌سوول راگه‌هاند؛ سوپایێ ئیراقێ و هێزێن سه‌ر ب فه‌رمانده‌یا ئۆپه‌راسیۆنێن هه‌ڤپشك ڤه‌، هه‌ردو باژاڕێن فه‌للۆجه‌ و ره‌ماددی یا سه‌نته‌رێ پارێزگه‌ها ئه‌نبارێ، دۆرپێچكرینه‌ و ل ژڤانا فه‌رمانا هێرشا سه‌رتاسه‌ری نه،‌ داكو ژ ده‌ست رێكخستییا تیرۆرییا داعشێ بهێنه‌ رزگار كرن.
گۆت ژی: سات سفر بۆ ده‌ستپێكرنا هێرشا سه‌رتاسه‌ری نێزیكه‌ دێ ده‌ستپێكه‌ت و دیاركر، تا نها وان هێزێن وان كارینه‌ هنده‌ك ده‌رگه‌هان بۆ رزگاركرنا خه‌لكێ دۆرپێچكری یێ وان باژاڕان ژ ده‌ست داعشێ ڤه‌كه‌ن، ژ وان ده‌رگه‌هێ فه‌لاحات كو دكه‌ڤیته‌ رۆژئاڤایێ فه‌للۆجه‌.
ره‌ماددی یا سه‌نته‌رێ پارێزگه‌ها ئه‌نبارێ، ل 16 گولانا ئه‌ڤ ساله‌ كه‌فتبوو ده‌ستێ داعشێ پشتی سوپایێ ئیراقێ و هێزێن عه‌شره‌تان، بێی شه‌ڕ خوه‌ ژێ ڤه‌كێشاین.

بابه‌تێن ب ڤێ مژارێ ڤه‌ گرێدای