هۆنگ کۆنگ.. خوەنیشاندان ل بەر بارانێ بەردەوامن

هۆنگ کۆنگ.. خوەنیشاندان ل بەر بارانێ بەردەوامن

WAAR- دهوك:

ل هۆنگ کۆنگ دگەل بارینا بارانێ، ب دەهان هزاران وەلاتییان بەردەوامی دا خوەنیشاندانێن دژی حکوومەتێ و بەردەوامی دا درووشمێن دەستبەردارینەکرنێ بۆ حکوومەتێ.
ئەڤرۆ ل هۆنگ کۆنگ ب دەهان هزار وەلاتییان بەردەوامی دا خوەنیشاندانێن دژی حکوومەتێ و هەرچەندە رەوشا سەقایی بۆ خوەنیشاندانان گونجایی نەبوو و بارانەکا بهێز دباری، لێ خوەنیشاندەر رازی نەبوون بچنە مالێن خوە.
خوەنیشاندەران بەردەوامی دا درووشمێن دژی بریارا حکوومەتێ یا رادەستکرنا تاوانباران ب چینێ و ب درووشمان ئاماژە دکر، دەستبەرداری ژ داخوازییان ناهێتە کرن و پێدڤییە حکوومەت بەرسڤێ بدەت.
د خوەنیشاندانێن حەفتییا بووری دا کێشە د ناڤبەرا خوەنیشاندەر و پۆلیسان دا دروست ببوون، ژمارەکا خوەنیشاندەران بریندار ببوون و ب دەهان خوەنیشاندەر هاتبوونە گرتن.

بابه‌تێن ب ڤێ مژارێ ڤه‌ گرێدای