هه‌ڤال عه‌بدولعه‌زیز: دانوستاندن دگه‌ل راهێنه‌ره‌كی و پێنج یاریكه‌ران دهێته‌كرن

هه‌ڤال عه‌بدولعه‌زیز:  دانوستاندن دگه‌ل راهێنه‌ره‌كی و پێنج یاریكه‌ران دهێته‌كرن

وار – محه‌مه‌د عه‌لی :

دداخویانیه‌كێدا سه‌رۆكێ یانه‌یا ئاكرێ بۆ رۆژنامه‌یا وار راگه‌هاند كو نوكه‌ كارگێرییا یانه‌یێ ده‌رگه‌هی دانۆستاندنێ دگه‌ل راهێنه‌رةكي و چار یاریكه‌ران دهێته‌كرن ژبۆ ئیمزاكرنا هه‌ڤبه‌ستێ دگه‌بل وان بۆ ناڤ رێزێن تیما مه‌ ئه‌وا دێ خۆ به‌رهه‌ڤكه‌ین بۆ وه‌رزی نوو یێ خولا پلا ئێك یا كوردستانێ.
زێده‌تر هه‌ڤال عه‌بدولعه‌زیز گۆت، پێخه‌مه‌ت بهێزكرنا رێزێن تیما مه‌ بۆ وه‌رزێ 2015/2016 یێ خولا پلا ئێك هه‌ر زو مه‌ ده‌ست ب كۆمبوونێن چودا كرینه‌ ژبۆ به‌رهه‌ڤیێن باش به‌ری ده‌ستپێكرنا خولێ، له‌ورا ئه‌ڤه‌ ده‌مه‌كه‌ ‌ ده‌رگه‌هی دانۆستاندنێ مه‌ دگه‌ل راهێنه‌ره‌كێ ده‌رڤه‌یێ هه‌رێمی ڤه‌كرییه‌ كو سه‌ربۆره‌كا باش د راهێنانێن دا هه‌یین و ژ ده‌رڤه‌یی ئیراقێ ژی راهێنان كریه‌ بۆ هندی ئه‌م مفایی ژێ وه‌ربگرین، دیسان هه‌تا پێنج یاریكه‌ران كو دو خه‌لكی ئاكرێ نه‌ و دو یێن هه‌ولێر و ئێك به‌رده‌ره‌ش به‌رهه‌ڤییا خۆ یا ده‌ستپێكی دیاركریه بۆ ئیمزاكرنا هه‌ڤبه‌ستی دگه‌ل تیما مه‌، مه‌ ژی هنده‌ك پێنگاڤ هاڤێتینه‌ به‌ر هه‌ر تشته‌كی هه‌ڤبه‌ستا راهێنه‌ری ئیمزابكه‌ن ژبۆ هندێ راهێنه‌ر رازیبیت به‌ری چو هه‌ڤبه‌ست بهێنه‌ ئیمزاكرن پێنه‌ڤیت ژبلی كوڕێن ئاكرێ.
ژلایه‌كێ دیڤه‌ لدۆر پشته‌ڤانییا تیمێ و ئاریشه‌یێن دارایی گۆت، پێنه‌ڤێت وه‌كو هه‌ر یانه‌یه‌كا كوردستانێ ئه‌وێن كه‌ڤتینه‌ د قه‌یرانا دارایی دا ل ده‌ستپێكا وه‌رزێ بۆری مه‌ گه‌له‌ك ئاریشه‌ هه‌بوون و ئه‌م پێدڤی ب ب كێمترین پێدڤی بووین به‌لێ ژبه‌ر قه‌یرانا دارایی ئه‌م نه‌شیایین دابینبكه‌ین، ب سۆپاسی ڤه‌ كۆمپانییا نه‌وروز تیلكۆم و سه‌رۆكێ شانازی یا یانه‌یێ كه‌ڤی جه‌میل ب ئه‌ركێ خۆ یێ كچا دلسۆز اباژێرێ خۆ رابوو و ده‌ست ب هاریكاری و پشته‌ڤانییا تیمی كر یا كۆ بوویه‌ ئه‌گه‌ر ئه‌م ل وه‌رزی بۆری پلێتا خولا پلا ئێكێ وه‌ربگریت پشتی كۆ مه‌ ل پلا دو یاری دكر. هه‌روه‌سان گۆت بۆ وه‌رزێ ئه‌ڤ ساله‌ دۆباره‌ كۆمپانییا نه‌وروز تیلكۆم كو به‌رهه‌ڤییا خۆ دیاركرییه‌ ب دانا هه‌ڤبه‌ستێن هه‌موو یاریكه‌ران و دابینكرنا پێدڤیێن وه‌رزشی بۆ تیمێ همبه‌ری وێ ئه‌م ریكلاما كۆمپانیێ بكه‌ین، پێنه‌ڤێت ئه‌ڤه‌ژی دێ پێشكه‌ڤتنه‌كا باش گه‌هینته‌ تیمێ و بۆ وه‌رزێ بهێت نه‌ بتنێ پشكداربین به‌لكۆ هه‌ڤڕك بین، سۆپاسیا كچا ئاكرێ كه‌ڤی و به‌رپرسێ ئێكی یێ كۆمپانیێ دكه‌ین بۆ ڤێ پێنگاڤا باش، پێنه‌ڤیت ئه‌گه‌ر ئه‌ڤ پێنگاڤه‌ نه‌با من باوه‌ربا ل وه‌رزێ بۆری مه‌ شیانێن ده‌ربازبوونێ نه‌بوون و دیسان بۆ وه‌رزێ بهێت ژی ئه‌م نه‌شیایین پشكداریی بكه‌ین.
لدوماهیێ هه‌ڤال عه‌بدولعه‌زیز گۆت، سه‌ره‌رایی ئاسته‌نگ و ئاریشه‌یێن دكه‌ڤنه‌ د رێكامه‌ دا یانه‌یا ئاكرێ بۆ وه‌رزی ئه‌ڤ ساله‌ دی یا رژد بیت هه‌مان ده‌ستكه‌ڤتێ وه‌رزی بۆری بینت وده‌ستخووشیا كادرێ راهێنانێ و یاریكه‌ران و جه‌ماوه‌رێ ئاكرێ كر لسه‌ر دلسۆزی و وه‌فادارییا وان بۆ یانه‌یا باژێری و گۆت، سۆپاس بۆ هه‌ركه‌سه‌كی بوویه‌ ئه‌گه‌ری ده‌ربازبوونا تیما ئاكرێ بۆ خولا پلا ئێكێ و سۆپاسییا سه‌رۆكا فه‌خری یانه‌یێ دكه‌ین بۆ پشته‌ڤانییا وی یا مه‌عنه‌وی و مادی.

بابه‌تێن ب ڤێ مژارێ ڤه‌ گرێدای