هه‌ولێر.. پارتی کەمپینا خوە یا هەلبژارتنان راگەهاند

هه‌ولێر.. پارتی کەمپینا خوە یا هەلبژارتنان راگەهاند

WAAR-دهۆك:

پارتی دیموکراتی کوردستان ل باژێرێ هەولێرا پایتەخت، ئێکەم رۆژا کامپینا خوە یا هەلبژارتنان، ئەڤرۆ ئێڤاری ب سەرپەرشتیا نێچێرڤان بارزانی جێگرێ سەرۆکێ پارتی ل هۆلا سەعەد عەبدوولا ب ئامادەبوونا ئەندامێن مەکتەبا سیاسی یا پارتی و بەربژارێن پارتی و جەماوەرەکێ بەرفرەهێ وێ پارتێ دەستپێکر، نێچێرڤان بارزانی ژی : هەلبژارتنێن ئێراقێ ب گرنگ زانین ، و دیار ژی کر ، پارتی چەند د هەلبژارتنان دا بهێزبیت ، دێ پێگەهـ و مافێن دەستوری یێن هەرێمێ پاراستی بن. هەر د وێ کەمپینێ دا نێچێرڤان بارزانی راگەهاند ژی، هەبوونا پارتی و هێزێن دی یێن کوردستانی ل بەغدا ، دێ بیتە هاریکار کو ئیراق بکەڤیتە سەر رێکا خوە یا راست و فیدرالی. بارزانی دا زانین ژی ئەگەر قوربانی دان و فیداکاریا پارتی نەبا ل هەمبەر بوویەرێن سالا بوری و رەوشا هەرێم کەفتیە تێدا، دا چارەنڤیسێ هەرێمێ ب تەمامی هێتە گهورین. نێچیرڤان بارزانی د بەشەکێ دی یێ گوتارا خوە دا داخواز ژ دەنگدەرێن پارتی کر، هەموو پێکڤە بچنە سەر سندوقێن دەنگدانێ و گوت ژی : نابیت ئێک دەنگێ هەوەژی ب هەروە بچیت.نێچیرڤان بارزانی راگەهاند ژی : دڤێت یەکگرتی بین و دڤان هەلبژارتنان و هەلبژارتنێن بهێن ژی دا ، پارتی دێ وەک هێزا ئێکەم مینیت. داکو رەوشا دەڤەرێن کوردستانی ئارام بیت و ئاوارە ڤەگەرن سەر مال و حالێن خوە و هەروەسا ماددەیێ سەد و چل بهێتە بجهئینان، دڤێت پارتی وەک پێشەنگ بمینیت. نێچێرڤان بارزانی دیار ژی کر، قورسایی و سەنگا پارتی هەر ژ سالا دوهزار و سێ یێ و تا نها یا بەردەوامە ل سەر ئاستێ ئیراقێ، و هەردەم د هەڤکێشەیێن سیاسی دا حسابەکا مەزن بو پارتی هاتیە کرن ، ئەڤەژی هەمی ڤەدگەریت بۆ بزاڤ و ماندوبوونا سەرۆک بارزانی کو پتریا مافێن دەستوری یێن گرێدای گەلێ کورد ب هەول و ماندووبونا سەرۆک بارزانی بدەستڤە هاتینە.

 

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.