هه‌ولێر و به‌غدا لسه‌ر پرسا 250 هزار به‌رمیلان رێككه‌فتن

هه‌ولێر و به‌غدا لسه‌ر پرسا 250 هزار به‌رمیلان رێككه‌فتن

WAAR-دهۆك:

حكومه‌تێن ئیراقا فیدرال و هه‌رێما كوردستانێ بریار دان، لژنه‌یه‌كا هه‌ڤپشك لدۆر پرسا 250 هزار به‌رمیلێن په‌ترۆلا هه‌رێمێ پێكبینن، پشتی هه‌ردو ئالییان رێككه‌فتنه‌كا ده‌ستپێكی كر.
لژنه‌یا نه‌فت و غازێ ل په‌رله‌مانێ ئیراقێ بۆ رۆژنامه‌یا سه‌باح یا فه‌رمی دیار كرییه‌؛ حكومه‌تا فیدرال و حكومه‌تا هه‌رێمێ دێ لژنه‌یه‌كا هه‌ڤپشك لدۆر پرسا راده‌ستكرنا 250 هزار به‌رمیلێن په‌ترۆلا هه‌رێمێ پێكئینن و رێككه‌فتنه‌كا ده‌ستپێكی لدۆر وێ دۆسیێ هاتییه‌ كرن.
ل گۆری رێككه‌فتنێ، لژنه‌یه‌كا هه‌ڤپشك دێ ژ وه‌زاره‌تێن په‌ترۆلا ئیراقێ و وه‌زاره‌تا سامانێن سروشتی یا هه‌رێمێ هێت پێكینان، داكو ده‌ست ب هنارتنا 250 هزار به‌رمیلێن په‌ترۆلا هه‌رێمێ ب رێیا كۆمپانییا سۆمۆ بهێت كرن.
لژنه‌یا نه‌فت و غازێ ئاماژه‌ كرییه‌، گیرۆكرنا ئه‌ڤی بابه‌تی گرێدای گیرۆبوونا پێكئینانا حكومه‌تا هه‌رێمێ بوو، نها ژی حكومه‌تێن ئیراقێ و هه‌رێمێ رێككه‌فتینه‌، پرسا 250 هزار به‌رمیلان ژ ده‌ستپێكا مه‌ها ئێك یا ئه‌ڤساله‌ ئێكلا بكه‌ن، ب ئاوایه‌كی كو هه‌رێما كوردستانێ داهاتیێ مه‌هێن بۆری ژی ئه‌دا بكه‌ت.

بابه‌تێن ب ڤێ مژارێ ڤه‌ گرێدای