هه‌ولێر ئاشتیا توركیا به‌لانس دكه‌ت

هه‌ولێر ئاشتیا توركیا به‌لانس دكه‌ت

شێرزاد نایف

چاندنا ئاشتیێ‌ ل توركیا بۆ ده‌ستهه‌لاتا توركیا زۆرا گرنگه‌ و ل سه‌رێ‌ لیستا بزاڤێن وێ‌ دهێت، ئه‌و وه‌لاتێ‌ هندێ‌ مه‌زن خوه‌دیا 81 پارێزگه‌هان و 79 و 81 ملیۆن دانشتیان، هه‌می بزاڤان دكه‌ت كو ناكۆكیێن سیاسی چاره‌سه‌ر بكه‌ت و گه‌له‌ك رێ تاقیكرن و په‌نابره‌ گه‌له‌ك وه‌لاتان، چو ئه‌نجامێن ئه‌كتیڤ و ره‌نگڤه‌دانێن گه‌رم نه‌دیتن، ژ بلی ئه‌و سیاسه‌تا نه‌رم یا ژ لایێ‌ هه‌رێما كوردستانێ‌ ڤه‌، وه‌كو لێڤه‌گه‌را هه‌موو كوردێن سه‌رانسه‌ری جیهانی و هه‌بوونا گوهداریه‌كا حه‌كیمانه‌ بۆ نه‌رمكرنا هه‌موو هه‌ستێن ئازریایی و نه‌ته‌وی، چه‌ندین جاران سه‌ركردێن هه‌رێمێ‌ ل گه‌ل یێن توركیا سه‌ره‌دانێن به‌رهه‌مهێنه‌ر لێكگوهارتینه‌ و ئه‌ڤه‌ 28 سال بۆرین ل سه‌ر ئه‌زمۆنا حوكمه‌تا هه‌رێما كوردستانێ‌ و ب تایبه‌ت ژی كه‌سێ‌ سه‌رۆك نێچیرڤان بارزانی هه‌رده‌م ئه‌و په‌ناگه‌ه بوویه‌ كو توركیا بكاریت ب رێیا وی دۆخێ‌ ناڤخوه‌یی و سیاسی و ئابووری و له‌شكری ژی به‌لانس بكه‌ت، ئه‌ڤرۆ ژی كو سه‌ره‌دانه‌كا ب ده‌نگڤه‌دان ژلایێ‌ شانده‌كێ‌ حزبا گه‌لان ڤه‌ (HDP) ب سه‌ركێشیا سه‌رۆكێ‌ وێ‌ سزایی ته‌مللی، پرۆسا بده‌ستخستنا پرۆسێسا ئاشتیێ‌ مژارا وان بوو، ب پشتبه‌ستنا سه‌رۆك نێچیرڤان بارزانی كو ده‌ربرینه‌كا ئاشكرا خۆیاكر كو هه‌می تێكۆشانان بمه‌زێخیت بۆ سه‌رخستنا پرۆسا ئاشتیێ‌ ل توركیا، هه‌لبه‌ت ژ بلێ‌ هندێ‌ كو ئه‌ڤ په‌یامه‌ راسته‌راست بۆ هه‌ده‌پێ‌ هاتیه‌ ئاراسته‌كرن، به‌لێ‌ نامه‌یه‌كا به‌رهه‌مهێنه‌ره‌ بۆ ئه‌نقه‌ره‌ كو زه‌مینه‌یا خۆشكرنا پاشه‌رۆژێ‌ دێ‌ یا به‌رهه‌مدار بیت و ئه‌و گرنگیا هه‌ولێر ب ئاشتیا توركیا یا گرنگ دده‌ت نه‌كێمتره‌ ژ ئه‌نقه‌رێ‌‌ بخوه‌، مینا سامانه‌كی یه‌ بۆ زه‌نگینكرنا هه‌رێما كوردستانێ‌ بۆ خۆرینێ‌ ب پشته‌ڤانیكرنا ئاشتیێ‌ و به‌رسڤه‌كه‌ بۆ هه‌ر ته‌پكه‌كا سیاسی یا خاپاندنێ‌ ژ لایێ‌ هه‌موو دوژمنان ڤه‌، یێن مینا رۆژا گۆینێ‌ مینێن سیاسی ل به‌ر هه‌رێمێ‌ ڤه‌ چاندین و گه‌له‌ك ته‌پك بۆ كۆلاین، هه‌ر وی ده‌می ژی هه‌ر كه‌سێ‌ نێچیرڤان بارزانی بوویه‌ ده‌ستێ‌ خوه‌ دایه‌ به‌ر و وه‌لاتێ‌ مه‌ پاراستی. هه‌لبه‌ت ژی ئه‌ڤ حزبا چه‌ندین جاران توركیا ل به‌ر وێ‌ هاتیه‌ هژاندن، یا كو هه‌ژمارا ئه‌ندانێن وێ‌ ژ 30295 تێدپه‌ریت و پتری هه‌شت پارێزگه‌هێن وێ‌ لایه‌نگیرێن وێ‌ حزبێنه‌، كو كورد تێدا دخه‌بتن، یا تاگیره‌ بۆ هه‌ڤنه‌ته‌وا خوه‌ ده‌ستهه‌لاتا هه‌رێما كوردستانێ‌ و پێ‌ دشاهینه‌ و مسۆگه‌ر ئه‌ڤ حزبه‌ ئه‌زمۆنا حوكمه‌تا هه‌رێما كوردستانێ‌ بۆ خوه‌ دكه‌ته‌ پێشه‌نگ و میناك كو هه‌ر وه‌كو نێچیرڤان بارزانی گۆتی پرسگرێكا كوردی دڤێن ب رێیێن ئاشتیێ‌ بهێته‌ چاره‌سه‌ركرن و نابیت چ ده‌لیڤه‌ ده‌رباز ببن بۆ بجهئینانا ئاشتیێ‌” ئه‌ڤ په‌یامه‌ ژی نه‌تنێ‌ وه‌كو گۆتنه‌كا ل دیوانا سه‌ره‌دانێ‌ هاتیه‌ كرن، به‌لكو ب فه‌ره‌می هاتیه‌ ده‌ركرن ژ لایێ‌ سه‌رۆكاتیا هه‌رێما كوردستانێ‌ و بوویه‌ به‌ینانامه‌ ب “ته‌كه‌زیا جه‌نابێ‌ وی كو ده‌م هاتیه‌ بۆ ئاشتیێ‌ كو پرسگرێكا كوردی ل توركیا ب رێیێن ئاشتیانه‌ بهێته‌ر چاره‌سه‌ركرن، چونكو شه‌ر چو چاره‌سه‌ریان دابین ناكه‌ت و نابیت‌ چو ده‌لیڤه‌ ده‌رباز ببن بۆ بجهئینانا ئاشتییێ‌ ل توركیا” ئه‌ڤه‌ ئێكه‌ بۆ شاندێ‌ هه‌ده‌پێ‌ خۆیاكر كو مه‌ره‌م و بزاڤێ‌ دێ‌ بۆ كه‌ن. ئه‌ڤجا ماده‌م مژار مژارا گه‌لانه‌ و ناڤێ‌ حزبێ‌ ژی حزبا گه‌لانه‌ و دیمۆكراتی‌ و دوورخستنا په‌ناگه‌هێ‌ شه‌ری ئارمانجا وێ‌ یه‌ و چه‌ندین جاران سه‌رۆكێ‌ وێ‌ سه‌لاحه‌دین ده‌میرتاش ژی ئاماژه‌ ب وێ‌ دایه‌ كو ئه‌و جۆرێ‌ دیمۆكراتیێ‌ ئه‌وه‌ یێ‌ نه‌یێ‌ زارڤه‌كری یان یێ‌ كارتۆنی و ئه‌و ژی خه‌باتێ‌ ب وێ‌ رێیێ‌ دكه‌ن و چه‌ندین ده‌نگ ڤێ‌ حزبێ‌ بده‌ستڤه‌ئیناینه‌ ل توركیا، پێنه‌ڤێت دێ‌ تێهنا كوردێن توركیا شكێنیت ب قورچیه‌كێ‌ ژی و جهێ‌ په‌كه‌كێ‌ ڤالاكری ژ به‌ر شێوازێ‌ وێ‌ یێ‌ شه‌ران و راكرنا چه‌كی پتر ژ ئاشتیێ‌، چونكو ب راستی ئاریشه‌ نه‌یا گه‌لانه‌ به‌لكو یا هنده‌ك لایه‌نێن سیاسی یه‌، ب گرۆڤه‌یا وێ‌ ئێكێ‌ ڤی شاندێ‌ هه‌ده‌پێ‌ ل دیوانا سه‌رۆكێ‌ هه‌رێمێ‌ ته‌كه‌زی كربوون كو ئاشتی د به‌رژه‌وه‌ندیا هه‌موو گه‌لێن توركیا دایه‌ و گه‌لێ‌ كورد ئاشتی و چاره‌سه‌ریا ئاشتیخواز دڤێت، ئه‌ڤجا گوهداریكرنا ڤێ‌ حزبێ‌ بۆ ئامۆژگاری و ئاراسته‌یا هه‌رێما كوردستانێ‌ راستیه‌كه‌ و توركیا ژی باش دزانیت كو نه‌به‌س گوهداریكرنه‌، به‌لكو پتره‌ ژ وێ‌ چه‌ندێ‌، توركیا بڤێت نه‌ڤێت هه‌رێما كوردستانێ‌ و ده‌ستهه‌لاتا وی ل ده‌ڤه‌رێ‌ هه‌ژماره‌كا گرنگه‌ و به‌لانسان هه‌میان دگوهۆریت و چاوا هنده‌ك هیلالێن مه‌زن شكاندن و هێزێن مه‌زن ب ده‌سته‌كێ‌ ئاستی و ئاگری شكاندن مینا شكاندنا رێخراوا تیرۆری یا داعش و ئه‌و هێرشێن حه‌شدێ‌ ب پشته‌ڤانیا گه‌له‌ك ده‌وله‌تان ل راده‌یێ‌ وان راوه‌ستاندن، پێنه‌ڤێت ئه‌ز هێزا هه‌ی ته‌مه‌تی وێ‌ هێزا ئاشتیێ‌ و دانوستاندن و لێكتێگه‌هشتن ئارمانجا وێ‌ یه‌ و ئه‌و شه‌ر ماده‌م بۆ ئاشتیێ‌ كریه‌، ئه‌ڤرۆ ئه‌و جۆرێ‌ ئاشتیێ‌ ژی یێ‌ نێچیرڤان بارزانی پێ‌ دخوریت، دێ‌ به‌رهه‌مێ‌ وێ‌ ئاشتیێ‌ ل ده‌ڤه‌رێ‌ مشه‌ كه‌ت و گه‌شبینیی ژی ئارمانجا هه‌می گه‌لانه‌ ل ده‌ڤه‌رێ‌.

بابه‌تێن ب ڤێ مژارێ ڤه‌ گرێدای