هه‌ولێرێ سێ خال د دێربییا كوردستانێ دا ژ زاخۆ چێكرن

هه‌ولێرێ سێ خال د دێربییا كوردستانێ دا ژ زاخۆ چێكرن

Capture

وار – دهۆک :

تیما یانه‌یا هه‌ولێرێ ئێكه‌م سێ خال و سێ گۆل د خولا ئیراقێ دا بۆ یانه‌یێن پلا نایاب بده‌ستخۆڤه‌ ئینان، پشتى سه‌ركه‌ڤتنه‌كا گرنگ دناڤ ئه‌ردو جه‌ماوه‌رێ خۆدا لسه‌ر یانه‌یا زاخۆ ئیناین، د یاریكرنا واندا ئه‌وا دوهى ئێڤارى ژ چارچۆڤێ یاریێن گه‌را پێنجێ ژ خولا ئیراقێ یا ته‌پاپێى بۆ یانه‌یێن پلا نایاب ل یاریگه‌ها شه‌هید فرانسۆ هه‌ریرى هاتییه‌ كرن.
هه‌ر ژ ده‌ستپێكێ تیما هه‌ولێرێ ب تیمه‌كا رێكوپێك هاته‌ دناڤ یاریگه‌هێ دا و ده‌ست ب گڤاشتنێ كر، هه‌ر زوو شیان دڤێ نیڤێ دا سێ گۆلان بێ به‌رامبه‌ر لسه‌ر مێڤانا خۆ یانه‌یا زاخۆ بینن، ل خوله‌كا 16 و ژ ئه‌گه‌رێ خه‌له‌تیێن هێلا به‌رگریێ یاریكه‌ر لوئه‌ى سه‌لاح ده‌لیڤه‌كێ دبینیت و گۆله‌كا ب ساناهى د ئینیت و دویڤدا زاخۆ چه‌ند بزاڤێن كێم دكرن داكو گۆلا وه‌كهه‌ڤیێ بینن به‌لێ یاریكه‌رێن هه‌ولێرێ هه‌ر مان لسه‌ر ئاستێ خۆ یێ باش و شیان كۆنترۆله‌كا باش لسه‌ر یاریگه‌هێ بكه‌ن و ئه‌وبوو ل خوله‌كا 32ێ یاریكه‌ر سه‌عد عه‌بدل ئه‌میر ڤه‌گه‌ریا گۆلا دووی ب لێدانه‌كا كۆرنایێ ئینا و پشتى ڤێ گۆلێ ب شه‌ش خوله‌كان هه‌مان یاریكه‌ر و ب هه‌مان رێك گۆلا خۆ یا دووێ و یا سێیێ ل خوله‌كا 38ێ بۆ تیما خۆ ئینا، نیڤا ئێكێ ب سێ گۆلێن پاقژ یارى ب دوماهیك هات.
د نیڤا دووێ دا هه‌ردو تیم هاتنه‌ دناڤ یاریێ دا، به‌لێ تیما زاخۆ یا جۆدابوو ژ تیما نیڤا ئێكێ ئه‌وا تووشى چه‌ندین شاشییا بووى، لده‌ستپێكێ گۆلچی دلۆڤان مه‌هدى هاته‌ دناڤ یاریێ دا و ئاسته‌كێ باش نیشاندا و ئه‌و شیان شاشیێن دنیڤا ئێكێ دا په‌یدابووین تاراده‌كێ هاتنه‌ راستڤه‌كه‌ن، هه‌ر ژ ده‌ستپێكا یاریێ گڤاشتنێ لسه‌ر تیما هه‌ولێرێ بكه‌ن و هه‌ر زوو شیان جۆداهیێ كێمبكه‌ن ده‌مێ كاپتنێ تیمێ رێبه‌ر محه‌مه‌د گۆله‌ك ل خوله‌كا 49ێ ئیناى، پشتى ڤێ گۆلێ ئاستێ زاخۆ گه‌له‌ك باشتر لێ هات و شیان دنیڤا دووێ دا كۆنترۆله‌كا باش لسه‌ر یاریێ بكه‌ن و چه‌ندین هێرشێن دژوار برینه‌ لسه‌ر گۆلا هه‌ولێرێ، به‌لێ هێلا به‌رگریێ و گۆلچیێ تیمێ لبه‌ر سنگێ وان راوه‌ستیان و هێرشێن وان دهاتنه‌ برین، راهێنه‌ر ئه‌یوب ئۆدیشۆ چه‌ندین گهورین كرن و هێلا به‌رگریێ بهێز ئێخست و پشت به‌ستن لسه‌ر هێرشێن هه‌ڤدژ دكر، به‌رامبه‌ر وێ زاخۆ به‌رده‌وام د هێرشبرنێ دا بوو، به‌لێ چو وژ ئه‌نجامى نه‌هاته‌ گهورین تاكو یارى ب ئه‌نجامێ (3-1)گۆلان د به‌رژه‌وه‌ندیا هه‌ولێرێ ب دوماهیك هاتى.
ژلایه‌كێ دویڤه‌ هه‌ر دوهى دو یاریێن د ىژ كۆما دووێ هاتنه‌ كرن، ل یاریگه‌ها خۆ یانه‌یا مینا سه‌ركه‌ڤتنه‌كا باش لسه‌ر یانه‌یا نه‌جه‌ف ب دو گۆلان به‌رامبه‌ر چنه‌ ئینا و هه‌ر وه‌سان به‌غدا دناڤ ئه‌ردو جه‌ماوه‌رێ خۆدا سێ گۆل و سێ خال ژ یانه‌یا نه‌فت میسان چێكرن.

بابه‌تێن ب ڤێ مژارێ ڤه‌ گرێدای